Úuchik u máan le 8 ti’ diciembre máanika’ jnáak ka’ak’áal ja’abo’ob kíinsa’ak jpaax John Lennon. U kuxtale’ úuch sa’atak ba’ale’ u k’ajla’ayile’ láayli’ kuxa’ane’, tumen yóok’ol kaabe’ láyali’ u yu’ubik u paax.
Mantats’ u chíimpolta’al ba’ax tu beetaj tumen uláak’ ajpaaxo’ob yéetel ajk’aayo’ob. Jump’éel ti’ le je’elo’ jbeeta’ab tumen Bob Dylan, tu meyajil Tempest (2012) tu’ux ku k’a’ajsik jk’aay kíinsa’ab Nueva York tu ja’abil 1980, tumen juntúul máak jach t’u’ulpachtik ba’ale’ k’aschaja’an u tuukul. Ichil uláak’ máax u beetmajo’obe’ ti’ yaan Ozzy Osbourne, máax jo’olbesik Black Sabbath.
