Interjet confirmó que cancela todos sus vuelos hasta el 31 de diciembre. En respuesta a La Jornada dio por genuina la información que circularon trabajadores de la aerolínea en la que se les notificaba el cese de operaciones.
U mola’ayil Interjet tu ts’áaj k’ajóoltbil u xot’ik u meyaj tak tu k’iinil 31 ti’ diciembre ku taala’. Ichil ba’ax tu ts’áaj k’ajóoltbil ti’al u núukik ti’ La jornadae’, tu jets’aj jaaj ba’ax ts’o’okili’ u yáax a’alal tumen u ajmeyajilo’ob le aerolíneao’ tu’ux a’alab ti’obe’ yaan u xu’ulul u meyajo’obi’.
Mo’olaye’ táan u ku’upul u yiik’ yéetel p’aax yaan ti’ yéetel jala’ach, mola’ayo’ob u mokt’aantmaj múul meyaj beyxan yéetel u ajmeyajilo’obi’; máan jump’éel p’iis k’iine’ ma’ páatchaj u líik’sik mix jump’éel u péepen k’áak’ili’ ts’o’okole’ beey kéen p’áatak tak ts’ookil le ja’aba’.
Mix jump’éel mola’ay kaláantik u yutsil meyaj áabiasion u ya’almaj mixba’al tu yóok’lal tak walkila’. Chéen Procuraduría Federal del Consumidore’ tu yáax líik’saj t’aan ti’al u yila’al tumen máaxo’ob k’a’abéetkunsik mola’ay ti’al u bino’ob wa tu’uxe’, tumen ts’o’okoli’ u yáax je’elelo’ob ka’ach tu k’iinil 1 yéetel 2 ti’ noviembre, beyxan tu k’iinil 28, ts’o’okole’ ti’al 2 ti’ dieciembre xane’, je’elij. Ba’ale’ walkila’ yaan u je’elel ichil 11 tak u ts’o’okbal u ja’abil 2020.
Kex tumen ts’o’ok u k’e’exel máax jo’olbesik mola’aye’, tumen ka’ache’ ti’ yaan tu poolil u kúuchkabalil Alemán ts’o’okole’ máan u jo’olint Alejandro del Valle, walkila’ mina’an u taak’inil mix u nu’ukulil chuka’an ti’al u páajtal u ka’a líik’sik péepen k’áak’.
Xak'alutskíinsa'an tumen: Sasil Sánchez Chan
