de

del

U láak’o’ob buluktúul hazara wíinik kíinsa’ab tumen Estado Islámicoe’ (EI) tu ts’áajo’ob k’ajóoltbil tu k’iinil jo’oljeake’ ma’ bin táan u mu’ukul máaxo’ob kíimo’ob tak le kéen je’ets’ek máax beetej yéetel tak kéen ts’a’abak u si’ipil tumen u jala’achil Islamabad. Ku ya’aliko’obe’ ma’ táan u kaláanta’al tu beel u máakilo’ob le maitsila’.  

Le domingo máanika’, pakistaní jala’achilo’obe’ tu k’a’aytajo’ob yanchaj junmúuch’ máako’ob beet loob ti’ jump’éel kúuchil meyaj tu’ux ku beeta’al chúuk, tu bak’pachil u noj kaajil Mach. Yáaxe’, okolta’ab lajuntúul ajmeyajo’ob, ts’o’okole’ kíinsa’abo’ob tu xuul kaajil Quetla, Baluchistán. Tuláakal máaxo’ob luk’sa’ab u kuxtale’ ti’ síijio’ob ichil chií ch’i’ibal.

Xak'alutskíinsa'an tumen: Sasil Sánchez Chan