La Jornada
Oochelo'ob: ch'a'aban ti' Twitter @AnaGGuevara
K'iintsil
U noj lu'umil México
Jueves 15 ti' diciembre, 2016
Walkila’ Ana Gabriela Guevara, táan u beetik u secretarial ti’ u mesa directivail Senado, ba’ale’ beeyxan x-áalkab ti’ olimpiadas jayp’éel ja’abo’ob paachil. Tu yáak’abil domingoe’, yanchaj jump’éel x wo’okinil ka’alikil táan u bin yóok’ol u beejil México-Toluca; j lo’ox tu yich yéetel loobilta’ab ka yanchaj u biinsa’al tu kúuchil ts’ak yaj ABC.
Ba’ale’, yanchaj ya’abach t’aanil ti’ redes sociales, uchik u ts’íibta’al “t’aano’ob ku ye’esik p’eekil tu yóok’ol ko’olel tumen ma’ táaka’an ichil le tuukul yaan yóo’lal bix unaj juntúul ko’olel.
“Wa ma’ ta wokol ti’ u tuukulil bix k’a’abéet juntúul ko’olel, ts’o’okole’ wa yaan ba’alo’ob ka ka’ap’éel tukultik yóo’lal bix keetil kuxtal ichil ko’olel yéetel xiibo’ob” ku beeta’all ya’abach t’aanil tumen kaaj, je’el bix le ba’ax táan u yúuchula’, jaaj yanchaj loox ba’ale’ ts’o’ok xan u yantal pooch’il, beey tu ya’alaj feminista Karen Dianne Padilla.
Táan ka’ach u bin yóok’ol u moto ka chukpachta’ab tumen jump’éel kis buuts’, Chrysler Down Country ti’ u ja’abil 2004. Le ka j líik’ lu’ume’, tu k’áataj ti’ máax biinsik le kis buuts’o’ ba’ax ku yúuchul ti’, ba’ale’ le ka tu beetaje’ éem uláak’ óoxtúul máako’ob ka tu loxajo’ob Ana Guevara.
Beey uchik u yáax chikpajal loobil tu yóok’ol, ba’ale’ beora’ táan xan u chikpajal ti’ Twitter yéetel ti’ le ba’ax ku ts’íibta’ali’, “ku páajtal u máan ti’ moto, je’el bix juntúul xiib, ba’ale’ beeyxan u máan yéetel u bin xan je’el tu’uxake’” tu ya’alaj Padilla.
Jela’an, tumen ojéel tuláakal máak ku páajtal u ya’alik tuláakal ba’ax ku tukultik, ba’ale’ ma’ yóo’lal bíin po’och’ok máak beyo’. K’a’anan u tse’elel tumen Facebook yéetel Twitter ts’íibo’ob je’el bix le je’elo’obo’, tumen “kex tumen ma’ táan u yila’al u yich máake’, séeb u chikpajal p’eek ku yantal tu yóo’lal”.
“Ba’ax úuch ti’e’ jump’éel ba’al ku beetik k k’uuxil. Chéen ba’axe’, u yutsile’, ku ya’alik, “leti’e’ juntúul senadora”, le beetik tuláakal ba’ax bíin úuchuk yóo’lal le je’ela’, yaan u yojéelta’al.
__________________________________________
Atacan en redes sociales a Ana Guevara tras golpiza
A la agresión física de la senadora Ana Gabriela Guevara le siguieron ataques en redes sociales, donde “comentarios misóginos mostraron el castigo social por no obedecer el canon tradicional femenino”.
Cuando “no encarnas el prototipo femenino y con tu forma de ser cuestionas el mandato de género” hay consecuencias sociales, en este caso además de golpes hay insultos, señaló la feminista Karen Dianne Padilla.
La misoginia que se mostró en golpes, y ahora en tuits y comentarios, es también para “hacer saber que no se tiene el derecho a transitar de la misma forma que los varones (en una moto) y ser independiente”, añadió Padilla.
