de

del

Nal

Foto:

La Jornada
Boonil:
K'iintsil

U noj lu'umil México
Miércoles 23 ti' noviembre, 2016

Junm-uuch' aj xak'al xooko'ob ti' Instituto Nacional de Antropología e Historia yéetel ti' Instituto Politécnico Nacional tu xak'altaj u chíikulal nal yanchaj 5 mil ja'abo'ob paachil; yéetel le je'elo' béeychaj u je'ets'el nale' tia'alinkúunsa'ab tumen kaaj tia'al ka béeyak u kuxtal le úuchben máako'ob yanchajo'ob ti' Mesoamérica.

Uchak u xak'alta'al áaktuno'ob ti' Tehuacán, Puebla, aj xak'al xooko'ob jo'olbesa'ano'ob tumen Ángel García Cook tu kaxantajo'ob óoxp'éel u chíikulal nal yanchaj 5 mil 300 ja'abo'ob paachil, ba'ale' le ka xak'alta'abe', j ila'abe' ma' jets'a'an u meyaj ti' u naj wíinik, ba'axe' táan ka'ach u ma'alo'obkúunsa'al bix u yantal le nalo', tumen máaxo'ob kaja'ano'ob te'elo'.

Aj xak'al xook Jean-Phillipe Vielle Calzad tu ya'alaje', te'e k'inako'obe', úuchben máako'obe', tu kanaj u beetiko'ob jejeláas meyajo'ob tia'al u ma'alo'obkúunsiko'ob nal yéetel u meyajil kaab.

Ichil u chíikulalil nal kaxanta'abe', ku ya'alik, j ila'ab xan le nalo'obo', ma'atech u k'astalo'ob kex ka yanak u yik'elo'ob ka'alikil táan u ma'alo'obkúunsa'al; ku tukulta'ale' le je'elo' jump'éel ba'al je'el u páajtal u ka' meyajta'al tia'al ka yanak tuka'atéen ti' le nalo'obo', ba'ale' ma' tia'al ka k'a'abéetkunsa'ak transgenico'ob, tumen beyo', je'el u páajtal u ts'aatáanta'al bix u bin u k'éexel sijnáalil ti' le Yóok'ol Kaabo'.

"U yantal le nalo'obo', jump'éel ba'al k'a'anan tumen beey uchik u káajal u yantal janaba'abalo'ob ti' úuchben kaajo'ob, beey uchik u kuxtalo'obo' yo'olal u yutsil le nalo'", tu ya'alaj aj xak'al xook Miguel Vallebueno.

_____________________________________________

[b]Maíz, causa del origen de civilización prehispánica: científicos[/b]

Un grupo de científicos del Instituto Nacional de Antropología e Historia y del Instituto Politécnico Nacional analizó muestras de maíz con más de 5 mil años de antigüedad y confirmó que este cereal fue "domesticado" por la humanidad e hizo posible el surgimiento de las civilizaciones prehispánicas mesoamericanas.

Luego de explorar cuevas en Tehuacán, Puebla, los especialistas encabezados por Ángel García Cook encontraron tres muestras que les permitieron concluir que hace 5 mil 300 años el maíz no estaba totalmente domesticado, sino en proceso de mejora genética por parte de los grupos que habitaban en dicha zona.

El experto Jean-Phillipe Vielle Calzada subrayó que en aquel entonces los antiguos mexicanos habían desarrollado sistemas de mejoramiento genético mediante controles de polinización.

En las muestras encontradas, añadió, se hallaron también genes resistentes a plagas que durante el preso evolutivo fueron eliminados o modificados, pero que hoy podrían reintroducirse con métodos tradicionales para volverlos a aprovechar, sin necesidad de recurrir a transgénicos, y de esta forma combatir los efectos del cambio climático.

"Tener estos maíces es un parteaguas porque fueron los que empezaron a sustentar a estas culturas (precolombinas), fueron parte esencial de la tecnología agrícola por la cantidad de nutrientes que aportaron", subrayó el biólogo Miguel Vallebueno.