Notimex
Oochel: Rodrigo Díaz Guzmán
K'iintsil
Jo', Yucatán
11 ti' noviembre, 2016
Aj xak'al eek'ob Eddie Salazar Gamboae' tu tsolaj tu k'iinil14 tiv noviembree' yaan u yantal jump'éel Super Luna, chéen leti' ti' le ja'aba', ikil u táaj náats'al uh ti' lu'ume' yaan u beetik u yila'al asab nojoch kexi' 12 tak 15 por ciento ti' le chuup luna suuk u yila'ale'.
Tu tsolaj u náachil uj ti' yóok'ol kaabe' óoli' 384 mil 400 u p'éelel kilometro'ob, ba'ale' te'el k'iino' yaan u náats'al tsk 356 mil u p'éelel kilometro'ob.
Salazar Gamboae' tu tsolaj xan te'el k'iino' (14 ti' noviembre) uje' yaan u tíip'il ken u ts'áaj u súutukil 17:58 yéetel yaan u chíinil ken u ts'áaj 6:04 tu k'iinil martes.
Tu jets'aj xan tu jáal k'a'anabil u petenil Yucatáne' yaan u ye'espajal u muuk'il Uj tumen yaan u beetik u na'akal u ja'il k'a'ana'ab yéetel ku k'exik xan uláak' ba'alob ti' u kuxtalil yóok'ol kaab.
