Ts'íib yéetel oochel: Sasil Sánchez
K'iintsil
Lunes 7 ti' noviembre, 2016
U noj kaajil México
Las 9 ja’atskab k’iin, táant in wikil William Dafoe ti’ Aeropuerto Internacional de la Ciudad de México. Síis óol, ba’ale’ chéen beey je’el ba’ax k’iine’. Je’elon junsúutuk ti’ jump’éel noj kaaj tu’ux ku laj buuts’al máak, je’el bix u buutsil chamal. Táan k bin ti’ 37° Muestra Nacional de Teatro, tu lu’umil San Luis Potosí.
Wíinik ku taal, ku bin; tuláakal kin wilik ba’ale’ ma’atech in ch’a’anuktik mixba’al. Ku náakal in wóol ikil táan in páa’taj. Ma’ sáame’, le ku ch’íikil in paakat ti’ juntúul bek’ech wíinik, sak u yoot’el yéetel beey jach sáal u máane’. Tin jach ilik máaxi’ ba’ale’ ma’ tin k’ajóoltik tu beel. Yaan máaxo’ob a’alike’, leti’ máax ku táakpajal ti’ u cha’anil Spiderman, jolbesa’an tumen Sam Raimi; ba’ale’ láayli’ ma’ tin k’a’ajsaj u k’aaba’i’. Máaxo’ob tu k’a’ajso’obe’, áalkabnajo’ob tia’al u ch’a’ako’ob u yoochel; juntúul máak ma’ suuk u yila’al chéen je’el tu’uxake’.
Leti’, William Dafoe, aj beet balts’am, ku jóok’ol xan ti’ pelicula’ob. Míin asab k’ajóolta’an yóo’lal le meyaj u beetmaj ti’ cha’ano’ob je’el bix Platoon yéetel Gran Hotel Budapest, kex tumen yaan máax ma’ uts tu yichi’, chika’an u meyaj. Tak te’e súutuko’, su’ulaken in náats’al yiknal. Taak in beetik ba’ale’ ma’ tin tsa’ayal tumen su’ulaken yóo’lal máaxo’ob láak’intik, mix in k’ajóolo’obi’.
11:45 u súutukil k na’akal ti’ uláak’ péepen k’áak’. Jach ki’ u yóol k’uchik Dafoe, ka tin na’ataje’ jump’éelili’ tu’ux k bin; uts t ich balts’am ts’o’okole’ láayli’ San Luis Potosí ku bini’. Le beetik tin tukultaje’, ma’ tu yantal tuka’aten u k’iinil in wilik beey jach naats’ilo’.
Táan in pa’atik in nu’ukulo’obe’, ka ook tin tuuk’ul wa ma’ tin téek beetike’, mix bik’in in náats’al. Ka j náats’ene’ ka tin wa’alaj ti’: Can I take a photo with you?, ka tu núukaj teen: Yeah, sure. Che’ejnajen, mix bik’in ken in tu’ubs le súutukil je’elo’, juntúul máak jach k’ajóolta’an.
Kin tukultike’, beora’ ma’ tin na’atik ba’axten beey úuchik ba’alo’ob, ba’ale’ u yantal u ye’esa’al El Divino Narciso, balts’am tu’ux kin táakpajal, chéen jun jaats ti’ tuláakal u balts’amil kuxtal, yéetel in aktáantik William Dafoe chéen u ki’iki’ t’aanil tia’al máaxo’ob beetik balts’am: ¡mucha mierda! Ku ya’alal, wáaj periodismo. Tu ka’ap’éelil.
___________________________________________________________
[b]Breve viaje con William Dafoe[/b]
Son 9 de la mañana, y me encontré a Willian Defoe, en el Aeropuerto Internacional de la Ciudad de Mexico. Es una mañana fresca y todo transcurre con mucha tranquilidad. Aterrizamos en la ciudad en donde todos flotan, como si los caminos se hicieran a la vereda del humo de un cigarro. El destino es la 37° Muestra Nacional de Teatro en San Luis Potosí.
Las personas van y vienen; veo pero no observo. La espera de un vuelo en conexión se hace pesada. De pronto, los ojos se detienen ante aquel hombre delgado, de color claro y ligero. Miré con detenimiento pero la mente no reaccionó. Es el actor de Spiderman, en la versión dirigida por Sam Raimi, dijeron; seguí sin recordar su nombre. Aquellos que lo reconocieron corrieron a él buscando la oportunidad de tener un registro gráfico de ese momento, pues tenerlo enfrente no es algo que sucede los sábados por la mañanas.
Era él, William Dafoe, actor de cine y teatro. Sencillo, de playera, jeans y chamarra. Tal vez más conocido por sus apariciones cinematográficas en películas como Platoon y el Gran Hotel Budapest
Malo y feo para unos, fundamental para otras. Hasta ese momento, sentía mucha pena en acercarme. Tenía el impulso pero no la convicción .¿Cómo acercarme a él?, pensé. Me sentía inhibida por la presencia de sus acompañantes pues estaba frente a un actor internacional.
11:45 y ya era momento de abordar el siguiente avión; con un aire fresco llegó Dafoe y entendí que teníamos el mismo destino, además del gusto por el escenario e íbamos abordar el mismo avión rumbo a San Luis Potosí.
Pensé que la oportunidad de haberlo visto tan cerca ya no la iba a tener de nuevo, por lo menos no en ese escenario.
Esperaba mi maleta y por fin tome valor para acercarme y decir: Can I take a photo with you?, a lo que me respondió: yeah, sure. La sonrisa fue inevitable y el encuentro memorable.
¿Coincidencias? No lo creo. La presentación de El Divino Narciso, obra en la que actuo, en la 37° Muestra Nacional de Teatro que se realiza en San Luis Potosí es una escena más de la obra infinita de la vida, y William Dafoe, fue esa expresión que representa la buena vibra en la vida teatral: ¡mucha mierda! Se dice ¿o periodismo?
Los dos.
