Sandra Gayou Soto
Oochel: Rodrigo Díaz Guzmán
K'iintsil
Jo'
Martes 1º ti' noviembre, 2016
Bejla’a, tu yáax k’iinil noviembre, yaan u beeta’al u kantéenil cha’an Festival Artístico Cultural “Noche de Catrinas”, tu’ux yaan u beeta’al jejeláas náaysaj óolo’ob je’el bix paax, k’aay, balts’am yéetel óok’ot. Je’el u páajtal u cha’anta’al tumen je’el máaxake’ yéetel yaan u káajal las 6:30 táan u taal u chíinil k’iin.
Le cha’ana’ táan u beeta’al tumen u múuch’ óok’otil Moloch Tribal, ikil u kaxantiko’ob ka yanak junsúutuk tia’al u náayal u yóol baatsilo’ob tu noj kaajil Jo’, yéetel uláak’ bix u ye’esa’al le k uk’aba’tik “catrina”, le beetik tukulta’ab u beeta’al tu haciendail San Pedro Palomeque.
Yaan u yantal u yóok’ot múuch’o’ob je’el bix Arfaxad Zarza, Maru García, Desert Warda, Sundara, Azzara Bellydance yéetel Moloch Tribal, ts’o’okole’ yaan xan u táakpajal u múuch’ paaxil Swinga tu madre.
Tu Yáak’abil Catrina’obe’, yaan xan u yúuchul koonoli’, ichil le kun táakpajalo’obe’ ti’ yaan Lichito, Café 73, BriLu Joyería, Miau Miau, Hilando pueblos, Mary’s bags, La vie en rose mx, Natural Green, Bat Yam, ichil uláak’o’ob.
Jun jaats ti’ le beyka’aj taak’in ku yantal ti’ le k’iina’, yaan u k’u’ubul ti’ u najil Casa Hogar para el desamparado, ula’bta’an tu kúuchil Cottolengo tumen mina’an taak’in tia’al u yantal jump’éel kúuchil chéen utia’al.
Láayli’ yóok’lal le Cha’ana’, u múuch’ óok’otil Moloch Tribal, táakpaj tu kaajil Kaanpech, ichil u cha’anil Festival Internacional Cervantino, yéetel tia’al u k’iinil 4 ti’ noviembre ku náats’ala’, yaan u táakpajal Tulujm, Quintana Roo.
U bo’olil u yokol máak ti’ le cha’ana’, yaan u tojoltik 60 peso’ob nojoch máak yéetel 30 peso’ob paalal yéetel ch’ija’an máak.
_______________________________________
[b]Muerte: Cuarto Festival Artístico Cultural “Noche de Catrinas”[/b]
La Hacienda San Pedro Palomeque fue el escenario que enmarcó la conferencia de prensa para presentar la cuarta edición del Festival Artístico Cultural “Noche de Catrinas”, que para este 2016 ofrecerá una verbena popular para toda la familia, que además permitirá a los asistentes un acercamiento distinto al personaje creado por el pintor José Guadalupe Posada.
La compañía de danza gitana Moloch Tribal es la organizadora de este evento, que se realizará hoy 1º de noviembre a partir de las 18:30 horas.
