INAH
Oochel: Rodrigo E. Ordóñez Sosa
K'iintsil
Jueves 27 ti' octubre, 2016
Ti’ jump’éel ts’íib j ts’a’ab k’ajóoltbil tumen u mola’ayil Instituto Nacional de Antropología e Historia (INAH), j a’alabe’, ichil 29 ti’ octubre tak 12 ti’ noviembre, yaan u náats’al úuchben miaatsil México yéetel u noj lu’umilo’ob Medio Oriente; lela’ yaan u béeytal u beeta’al tumen yéeya’ab 20 u yoochel úuchben áanalte’ob ti’ Mesoamerica yéetel u k’iinilo’ob Colonia, tia’al u cha’antal ti’ u kúuchilo’ob Biblioteca yéetel Museo Nacional ti’ Irán.
Yáax juntéen ken cha’antak úuchben áanalte’ob ti’ le baanta’o, ts’o’okole’ yaan xan u beeta’al óoxp’éel tse’ek tsikbal tumen máax jo’olbesik Biblioteca Nacional de Antropología e Historia (BNAH), Baltazar Brito Guadarrama.
U yoochel úuchben áanalte’obe’, yaan u k’u’ubul tumen Instituto Nacional de Antropología e Historia (INAH) yéetel tumen u embajadoril Canchola. Ichil le oochelo’ob yaan u páajtal u cha’antale’, ti’ yaan u áanalte’il Azoyú, tu’ux ku xo’okol u bix uchik u bin u k’expajal u ch’ilankabil Tlapa-Tlachinollan yéetel Yoallan (ti’ le k’iino’oba’ kaja’ano’ob Guerrero); beyxan u áanalte’il Colombino tu’ux ts’íibta’an u xíimbal juntúul huasteco aj k’atun ti’ u sigloil XI, k’ajóolta’an beey Venado 8.
Beyxan yaan u biinsa’al xan u áanalte’ilo’ob[i] Chilam Balam ti’ Ixil, Boturini, Chavero de Huejotzingo, Teloloapan[/i], yéetel [i]Cholula[/i] yéetel [i]San Juan Cuauhtla[/i]. Yaan xan uláak’ ts’íibo’ob ti’ Mesoamérica je’el bix Borgia yéetel Vaticano B.
Tsikbalo’obe’ yaan u beeta’al bejla’a 27, 29 ti’ octubre yéetel u yáax k’iinil noviembre tu kúuchil Biblioteca Nacional ti’ Irán. Te’e yáaxo’ yaan u tsikbalta’al ba’ax le úuchben áanalte’obe’, máaxo’ob beetik, ba’axten, tu’uxi’, ichil uláak’ ba’alo’ob.
U ka’a tsikbalile’ yaan u ch’a’achita’al xookolo’ob ti’ Mesoamerica, tumen ya’ab miaatsilo’obe’ junk’aalil u xooko’ob je’el bix maaya’ob. U yóox tsikbalile’ yaan u beeta’al yo’olal Códice Boturini, tu’ux ku xo’okol ba’alo’ob yo’olal le lu’um k k’ajóoltik beey México ti’ le k’iino’oba’.
Yéetel le tsikbalilo’oba’ yaan u páajtal u ke’etel bix u jejeláasil tuukul yaan yo’olal kuxtal, k’ajla’ayil yéetel le xookil ku beeta’al ka’ach ti’ Mesopotamia.
_______________________________________________________
[b]Facsímiles como el Chilam Balam de Ixil, llegan por primera vez a Medio Oriente[/b]
A partir del 29 de octubre y hasta el 12 de noviembre, en lo que constituirá un verdadero acontecimiento en la historia de las relaciones culturales entre México y las naciones de Medio Oriente, una selección de 20 códices mesoamericanos y coloniales en edición facsimilar será expuesta simultáneamente en la Biblioteca y el Museo Nacional de Irán.
El listado completo de los documentos enviados por el INAH, incluye el códice prehispánico Colombino, y los coloniales[i] Azoyú, Boturini, Chavero de Huejotzingo y Teloloapan[/i], además del [i]Chilam Balam de Ixil,[/i] y los lienzos de [i]Cholula y San Juan Cuauhtla[/i]. A estos se añaden las reproducciones de los manuscritos mesoamericanos Borgia y Vaticano B.
