La Jornada nacional
Oochel: Víctor Camacho / Archivo
K'iintsil
San CRistóbal de las Casas, Chiapas
Jueves 13 ti' octubre, 2016
U múuch’kabil Ejército Zapatista de Liberación Nacional (EZLN) tu páayt’antaj máasewal kaajo’ob ti’ u noj lu’umil México tumen “píitmanja'an u beeta'al loob ti' yook'ol kaab tumen le ayik'alo'obo', lelo' u k'áat u ya'ale' yaan xan k xu'ulsa'al".
Ichil le meyajo’ob táan u beeta’al ti’ u jo’otéenil u beeta’al Congreso Nacional Indígena, j xo’ok jump’éel ts’íib tumen subcomandante Moisés, tu’ux ku ya’alik: “Bejla’e, mina’an uláak’ bixi, k’a’abéet k ilik bix ken k much’ekbáaj máasewal kaajo’ob yano’ob ti’ mejen kaajo’ob yéetel le yao’ob ti’ noj kaajo’ob”.
Ichil u k’iimbesajil junk’aal ja’abo’ob káajak u meyaj Congreso Nacional Indígena (CNI), j a’alabe’ “yéetel capitalismoe’, mixba’al no’oja’an ku taal tia’al máasewal kaajo’ob” yéetel “mina’an mixba’al ti’ ba’ax k k’a’abéetkunsik, mixtu’ux. Ti’ mixjump’éel múuch’kabil ti’ política, tumen juntáakalili’ máaxo’ob ku su’sutkuba’obi’”. Beyxan tu ya’alaje’, “k’a’anan ka múuch’uk máak ti’ le k’iino’oba’, ti mejen kaaj yéetel ti’ noj kaaj. Tumen mina’an tu’ux k yantal to’on beey kaajo’on”.
Tu meyajilo’ob Quinto Congreso Nacional Indígena táan u beeta’al tu kúuchil Centro Indígena de Capacitación Integral (Cideci-Unitierra), tu noj kaajil San Cristóbal de las Casas, Chiapas, j a’alabe’ “ti’ junk’aal ja’abo’obe’, ts’o’ok u ts’aatáanta’al u ba’atelil tu táan capitalismo yéetel máaxo’ob tia’alintik, tumen ts’o’ok k jóok’sa’al, k péech’óolta’al, u to’okol to’on k’áax, k kíinsa’al, k k’a’alal, k sa’atbesa’al, k tu’usul”.
________________________________________________
[b]Llama EZLN a no abandonar la lucha contra avance capitalista[/b]
El Ejército Zapatista de Liberación Nacional (EZLN) llamó a la unidad a los pueblos originarios de México porque “está extendida la destrucción que hacen los capitalistas en contra de la madre tierra y eso significa que seremos destruidos también”.
En un comunicado leído por el subcomandante Moisés durante los trabajos del quinto Congreso Nacional Indígena, agregó: “Hoy no nos queda de otra, más que fajarnos en organizarnos nosotros mismos los pueblos originarios del campo y de la ciudad”.
