La Jornada
Oochel: Javier Salinas
K'iintsil
Martes 4 ti' octubre, 2016
Texcoco, México
Ichil u k’iinilo’ob 6 tak 16 ti’ octubre ku taala’, yaan yantal u cha’anil XXI Feria Nacional de la Cultura Rural, Chapingo 2016, tu’ux yaan u beeta’al maanal ti’ 100 meyajo’ob, cha’anilo’ob; yaan u yee’sa’al janabe’enba’alo’ob yéetel meyaj k’abo’ob ichil uláak’ ba’alo’ob. Ba’ax ku beetbile’, ku kaxantik u ye’esik ba’ax yaan tu lu’umilo’ob Baja California, Baja California Sur, Sonora yéetel Sinaloa, ba’ale beyxan ti’ Cuba, Argentina yéetel Estados Unidos.
Beyxan yaan u beeta’al XXX Feria del Libro tu’ux ku táakbesbil España. Yaan u beeta’al jump’éel chíimpolal ti’ Miguel de Cervantes Saavedra, tu’ux yaan u táakpajal 70 u p’éel editorialo’ob; yaan xan u beeta’al Segundo Foro Campesino, tu’ux yaan u k’uchul óox k’áal múuch’kabilo’ob meyajtik kool tia’al u beeta’al tsikbalilo’ob yéetel ketlam t’aan tia’al u tukulta’al uláak’ ba’alo’ob tia’al u ts’aatáanta’al le talamilo’ob ku máansik kolnáalo’ob ti’ le k’iino’oba’.
Silvia Castillejos, máax jo’olbesik k’a’aytajil ti’ Universidad Autónoma Chapingo tu ya’alaje’, táan u páa’tal ka kóojok kex 100 mil utúul máak ti’ le cha’ana.
Ichil jayp’éel ti’ le cha’anilo’ob kun beetbile’, yaan u táakpajal aj paaxo’ob Alejandro Marcovich, Liber Terán, Verónica Valerio, Banda Mixe, A Love Electric, Jarana Beat, Hip hop Seri k’aya’an tumen Zara Monroy, Hip hop Zapoteco yéetel Mare advertencia lirika ti’ Oaxaca; Hip hop Mayo k’aya’an tumen Matchuk Bemela ti’ Sonora, Son arribeño paxa’an tumen Leones ti’ Xichú; ?Polka yéetel tango paxa’an tumen Ballena de Jonás; Jazz con Leiden.
____________________________________________
[b]Presentan Feria Rural 2016 en Chapingo[/b]
Con la realización de más de 100 actividades artísticas y musicales, además de muestras artesanales y gastronómicas, donde participarán más de mil artesanos; se llevará a cabo la XXI Feria Nacional de la Cultura Rural, Chapingo 2016 del 6 al 16 de octubre dedicada a los estados de Baja California, Baja California Sur, Sonora y Sinaloa, además de los países de Cuba, Argentina y Estados Unidos.
También, se llevará cabo XXX Feria del Libro dedicada a España, donde se hará un homenaje a Miguel de Cervantes Saavedra y participarán 70 casas editoriales; asimismo el Segundo Foro Campesino, donde acudirán 30 organizaciones campesinas que darán conferencias para que la sociedad reflexione, critique, analice y proponga alternativas de solución a las problemáticas del campo mexicano.
