de

del

Foto:

Notimex
Oochel: Rodrigo Díaz Guzmán
K'iintsil

Martes 4 ti' octubre, 2016
U noj lu'umil México

Aj xak’al xook ti’ Universidad Autónoma del Estado de Hidalgo (UAEH), Rafael Germán Campos Montiel. tu kaxantaj uláak’ jump’éel u yutsil kaab; le je’ela’ compuesto’ob bioactivo’ob yaan acción antioxidante yéetel antimicrobiana, ba’alo’ob ku yáantajo’ob tia’al u kaláanta’al ma’ u tsa’ayal k’oja’ano’ob ku xáantalo’ob wa ma’ tu séeb utstalo’obi’.

Ku ya’alale’, kaabe’ jump’éel ba’al nutracéutico, le je’ela’ u k’áat u ya’al wa sáansamal u jaanta’ale’, je’el u kaláantik ma’ u tsa’ayal k’oja’an k’ajóolta’an beey crónico; ts’o’okole’ ti’ le kaabo’ láayli’ yaan compuesto’ob bioactivo’ob je’el bix antioxidante’ob, tu ya’alaj aj ka’ansaj Rafael Germán Campos Montiel.

“Wa mantats’ chi’ichnak máake’, ku yantal le ku k’aaba’tik radical libre, ts’o’okole’ lelo’ ku yantal u muuk’, beyo’ le ken kóojok yéetel u célula wa u tejido máake’, je’el u beetik u k’expajal ba’al tak ken súutuk cáncer”, tu ya’alaj.
Aj xak’al xook ti’ Instituto de Ciencias Agropecuarias tu ya’alaje’, jayp’éel ba’alo’ob ti’ u xaak’al ti’ biotecnología ku ch’a’ik ti’ jump’éel meyaj ku beeta’al tu lu’umil México, tumen juntúul aj xak’al xook sijnáal ti’ Portugal.

Leti’e’, tu ya’alaje’ yaan uláak’ xaak’alilo’ob beeta’an ti’ uláak’ noj lu’umo’ob, tu’ux ku ye’esal ti’ le kaabo’ yaan ba’alo’ob anticancerígeno’ob. Ts’o’okole’ táan u kaxanta’al ka xo’okok beyka’aj ba’alo’ob no’ojan yaan ti’ le kaabo’, tia’al u toj óolal máak, tumen máaxo’ob meyajtiko’ob kaabe’ u yojelo’ob uts tia’al máak, ba’ale’ ma’ u yojelo’ob ba’axteni’.

Ichil ba’alo’ob jets’a’an tumen ProMéxico, ku ya’alal ti’ le kaabo’ yaan vitamina B6 yéetel vitamina C, niacina, riboflavina, calcio, potasio yéetel manganeso, carbohidratos yéetel enzima’ob, beyxan ku yáantaj wa ka’anan máak yéetel uts tia’al u nak’ máak.
________________________________________________________

[b] Investigador descubre propiedades de la miel contra males crónicos[/b]

Un científico de la Universidad Autónoma del Estado de Hidalgo (UAEH), descubrió que la miel tiene compuestos bioactivos con acción antioxidante y antimicrobiana, y puede ayudar en la prevención de enfermedades crónicas.

A la miel se le considera un alimento nutracéutico; es decir, que si se consume de manera diaria puede prevenir ciertas enfermedades; además, ofrece compuestos bioactivos, como antioxidantes, explicó el profesor Rafael Germán Campos Montiel.