Andrés Silva Piotrowsky
Boonil: Carlos Génova
K'iintsil
U noj kaajil Jo', Yucatán
!3 ti' septiembre, 2016
Yaan aj its’ato’ob ti’ Yucatán k’ajóolta’ano’ob yo’olal le meyaj ts’o’ok u beetiko’ob je’el bix Fernando Castro Pacheco, Fernando García Ponce yéetel Gabriel Ramírez, ba’ale’ yaan uláak’ máaxo’ob e’esik uláak’ u jejeláasil u beeta’al its’at.
Ichil le je’elo’obo’, ti’ yaan Carlos Génova, juntúul táankelem wíinik u yojel boon, ts’o’okole’, yéetel u meyaje’ ku ye’esik bix u yóol u paakat, bix u bin u beetik u yóok’ol kaabil u tuukul.
Sáak’ale’en u meyaj. Le beetik ku chikpajal ti’ bix u boone’, jump’íit u yóol aj boon ti’ España, Pablo Picasso, ba’ale’ beyxan u meyaj Serio Hernández yéetel Portocarrero wa Wifredo Lam.
Ma’ tu páajtal u na’ata’al u tuukul Génova wa ma’ tu tukultik máak bix u yóol le aj boona’, tumen tuláakal ku chikbesik tu meyaj. Yaan u náachtal tu paach k’iin, ma’ chéen ti’ le péetlu’um’’, beyxan ti’ u noj lu’umil México yéetel tuláakal yóok’ol kaab.
