La Jornada Nacional
Oochel: Cuartoscuro
K'iintsil
U noj kaajil Jo'
Viernes 16 ti' agosto, 2016
Sáamal 27 ti’ agosto, yaan u jach chikpajal Venus yéetel Júpiter, jump’éel ba’al ku jach páa’tal ka uchuk yo’olal bix ken chikpajako’ob ka’an, beey tu tsolaj aj xak’al xook ti’ Instituto Tecnológico de Mérida (ITM), Eddie Ariel Salazar Gamboa.
Tu ya’alaje’, yaan u páajtal u cha’antal tumen je’el máaxake’, yéetel yaan chikpajalo’ob kex jump’éel hora. Beyxan, tu ya’alaje’ yaan u sáasilchajalo’ob le ken t’úubuk k’iin. Le nojoch eek’o’oba’, yaan u p’áatalo’ob ti’ u tsoolil eek’ ku k’aaba’tik de la Virgen, le beetike’ yaan u chikpajal beey u eek’il Belén, le chikpaj ka síij Jesucristo.
Le 27 ti’ agostoe’, k’iine’ yaan u jóok’ol ti’ u tsool eek’il León; 6:41 ken sáaschajak yéetel yaan u t’úubul k’iin las 19:18. Beyo’, ken xi’k k’iine’, leti’ ken chikpajak Venus yéetel Júpiter.
