de

del

Ts'íib yéetel oochel: Ap
K'iintsil

Río de Janeiro, Brasil
Viernes 12 de agosto, 2016

Jach ma’alo’ob úuchik u síit’ ti’ caballete, ma’ yanchaj mix jump’éel talamil ti’ barra’ob, ts’o’okole’ jach ma’ talamchaj ti’ mix jump’íit ti’ u p’iisil ku beeta’al lu’um, le beetike’ Simone Biles, sijnáal ti’ Estados Unidos, tu náajaltaj u yáax kúuchil gimansia artística, tu keetil báaxalo’ob táan u beeta’al Río de Janeiro, Brasil.

Yéetel le je’elo’, ku ye’esik ba’axten leti’ u jach ma’alo’obil ti’ gimansia ti’ le ts’ook óoxp’éel ja’abo’oba’; tumen ti’ jejeláas keetilo’obe’, u náajaltmaj jo’olajun mellado’ob; ts’o’okole’ chéen 19 u ja’abil.

Beey túuno’, ichil tuláakal le keetil tu beetajo’, yanchaj 62.198 punto’ob; u xookile’, jach ka’anal yanik wa ku ke’etel yéetel le beyka’aj tu jóok’saj Aly Raisman, máax náajalt u ka’a kúuchil. U yóox kúuchile’, tia’alinta’ab tumen Aliya Mustafina, ti’ Rusia.

_________________________________________________________

[h2]Brilla Simone Biles en gimansia artística[/h2]

Dínamica en el caballo, natural en el la barra, impecable en el piso y brillante en general. Finalmente, campeona olímpica. La estadunidense de 19 años, Simone Biles, se llevó el día de ayer la medalla de oro en la final de la prueba múltiple, y de paso puso en evidencia la brecha entre ella y el resto del mundo bajo los reflectores olímpicos. Su puntuación total de 62.198 fue muy superior a la de la medallista de plata, su compatriota Aly Raisman, y la rusa Aliya Mustafina, ganadora del bronce.