de

del

Ts'íib yéetel oochel: Ap
K'iintsil

Río de Janeiro, Brasil
Viernes 5 de agosto, 2016

Tu k’iinil bejla’e’ yaan u jóopsa’al u k’áak’il u noj báaxalo’ob Juegos Olímpicos 2016, tu lu’umil Río de Janeiro, Brasil. Lik’ul u k’iinil bejla’a’ tak u k’iinil 21 ti’ le winalila’ yaan u yantal jejeláas keetil báaxalo’ob tia’al u yila’al ba’ax noj lu’umil ku náajaltik u yáax kúuchil ichil tuláakal yóok’ol kaab.

Tu súutukil u káajsa’ale’, yaan u wáak’al jejeláas k’áak’o’ob yéetel sáasilo’ob tu kúuchil estadio Maracaná, tu’ux yaan xan u ke’etel kóochatbil bola. Beyxan yaan u k’a’abéetkunsa’al u ja’ailo’ob Bahía de Guanabara yéetel Laguna Rodrigo de Freitas, tia’al u ke’etel deporte ku beeta’al yéetel cheemo’ob. Kex tumen yanchaj jejeláas talamilo’ob, yéetel yanchaj u sajbe’entsil u beeta’al líik’saj t’aanilo’ob yo’olal máaxo’ob ma’ ki’imak u yóolo’ob yéetel le báaxalo’oba’, béeychaj y beta’al je’el bix tukulta’anili’e’.

Yáax juntéen u beeta’al Olimpiadas ti’ jump’éel lu’um ti’ Sudamérica; yaan u yantal kex 10 mil 500 u túul aj báaxalo’ob yaan u ketika’ob ti’ 28 deporte’ob. Aj báaxalo’ob je’el bix Michael Phelps yéetel Usain Bolt, máax ku ts’ook báaxalo’ob yéetel u alab óolalil u náajaltiko’ob u yáax kúuchilil.

______________________________________________________________
[b]Se encendió Río de Janeiro[/b]

El día de hoy, en el Estadio Maracaná, se encenderá la antorcha que marcará la inauguración de la máxima competencia deportiva, los Juegos Olímpicos 2016, Río de Janeiro, Brasil. Desde hoy, y hasta el próximo 21 de agosto, las mejores delegaciones del deporte se disputarán las preseas de oro, plata y bronce. En total, unos 10 mil 500 deportistas competirán en 28 disciplinas, incluyendo a leyendas como Michael Phelps y Usain Bolt, que disputan sus últimos Juegos con la esperanza de embolsarse más medallas a sus colecciones de oro.

En la imagen se aprecian los fuegos artificiales encendidos en el ensayo de la ceremonia de apertura de los Juegos Olímpicos 2016.