Ts'íib yéetel oochel: Ap
K'iintsil
El Cairo, Egitpo
Viernes 15 ti' julio, 2016
U kúuchil Museo Egipcio tu lu’umil Cairo tu káajsaj tu k’iinil jo’oljeak jueves, jump’éel e’esajil. Ti’ úuchben ju’uno’ob yéetel ts’íibo’ob ti’ le noj lu’umo’. Yaan kex 4 mil 500 ja’abo’ob u yúuchbenil ts’o’okole’ ti’ ts’íibta’an bix máanik u kuxtalo’ob le máaxo’ob beet le úuchben p’íich tuunich najo’ob wa pirámides.
Le nu’ukulo’oba’ tia’alinta’ab tumen u kan baatsil ajaw Khufu, máax k’ajóolta’ab xan beey Keops; ku ya’alale’ tu yo’olal j beeta’ab u kúuchil Gran Pirámide de Giza, tia’al u mu’ukul ken kíimik.
Khaled el-Anany, u ministroil Úuchben Nu’ukulo’ob ti’ Egipto, tu ya’alaje’, le ju’uno’oba’ yáax e’esabo’ob tu ja’abil 2013 tia’al jump’éel xaak’alil beeta’ab ichil franco’ob yéetel egipcio’ob ichil jump’éel sajkab yaan tu jáal ja’il Wadi el-Jarf; 119 kilometro’ob u náachil ti’ Suez.
El-Anany tu ya’alaje’, le ju’uno’obo’ leti’ u asab úuchbenil yaan ti’ Egipto. Beyxan Tarek Tawfiq, máax jo’olbesik le Kúuchil E’esajilo’, tu ya’alaj te’e ju’uno’obo’ ts’íibta’an bix úuchik u máan u kuxtal aj meyajo’ob, yéetel bix uchik u púuta’al nu’ukulo’ob tia’al meyaj lik’ul u k’áak’nabil Mar Rojo tak Giza.
Jump’éel ti’ le úuchben ju’uno’ wa papiro, tia’alinta’ab tumen Marr, máax meyajnaj óoxp’éel winal uchik u beeta’al p’íich tuunich najo’ob, ts’o’okole’ ts’íibta’ab jejeláas ba’alo’ob tu yo’olal, je’el bix ba’ax unaj u beetik, bix u máano’ob yéetel bix u k’uchulo’ob tak Río Nilo. Ti’ uláak’ áanalte’obe’ ts’íibta’an ba’alo’ob yo’olal bix u t’o’oxol janal ti’ aj meyajo’ob. Yaan jump’éel ts’íib tu’ux ku je’ets’el tak jayp’éel taman biinsa’abij.
Ministro el-Anany, ku ya’alike’ le áanalte’oba’ noj ba’al tia’al Egipto tumen ku ye’esik yaan u k’ajla’ayil le miaatsila’ ts’o’okole’ yaan xan uláak’ ba’alo’ob ma’ k’ajóolta’aki’.
_____________________________________________
[b]Exhiben los papiros más antiguos de Egipto[/b]
El Museo Egipcio en El Cairo comenzó el jueves su exhibición de los papiros más antiguos del país, que datan de unos 4.500 años y detallan la vida diaria de los constructores de las pirámides. Los objetos pertenecen a la Cuarta Dinastía del Rey Khufu, también conocido como Keops, para quien se le construyó la Gran Pirámide de Giza como tumba.
El ministro de Antigüedades de Egipto, Khaled el-Anany, dijo a reporteros durante la presentación de la exhibición que los papiros fueron descubiertos en 2013 por una misión franco-egipcia dentro de las cuevas en el puerto de Wadi el-Jarf. El antiguo puerto está ubicado a 119 kilómetros (74 millas) de Suez.
