La Jornada Nacional
Oochel: Facebook Sak Tzevul Oficial
K'iintsil
San Cristóbal de las Casas, Chiapas
Viernes 1' ti' junio, 2016
Sak Tzevul, u múuch’paaxil rock ich tzotzil yaan u táakpajal ti’ u cha’anil Festival Mercado de la Poesía, yaan u beeta’al tu noj lu’umil París, Francia, beey tu ts’áaj k’ajóoltbil Damián Martínez, máax jo’olbesik le múuch’paaxila’.
Tu ya’alaje’ tia’al u k’iinil 11 ti’ junio ken táakpajako’ob yéetel jach ki’imak u yóolo’ob tumen yaan u ye’esiko’ob ba’ax ku beetiko’ob. Le múuch’paaxila’, jump’éel ti’ le tu káajsaj u k’aayiko’ob rock ich tzotzil uchak u ch’a’ako’ob u yóolil maaya paax ti’ le úuchben kaajo’ob yano’ob ti’ Chiapas. Káaj u k’aayo’ob tu ja’abil 1996 yéetel ts’o’ok u táakpajalo’ob ti’ jejeláas lu’umo’ob ti’ México yéetel uláak’o’ob je’el bix Estados Unidos, Canadá, Rusia, España yéetel Japón.
Martíneze’ tu tsolaje’, le ken k’aaynako’ob ku ye’esiko’ob u jejeláasil t’aano’ob yaan Chiapas, tzeltal, tzotzil yéetel tojolabal; ke ye’esiko’ob xóot’manxóot’ úuchben paaxo’ob, ba’ale’ beyxan yaan jayp’éel ku k’ayiko’ob ich káastelan t’aan. Tu ya’alaje’, tia’al le cha’anil ti’ Francia’o, tu beetajo’ob jump’éel túumben meyaj tu k’aaba’taj 511 vueltas al sol, canto de resistencia, tu’ux ku t’aano’ob yo’olal u p’áatal mantats’ máak tu’ux unaj yaan. Paaxo’ob ti’ son.
Ichil le k’aayo’ob jach k’ajóolta’anti’obe’ ti’ yaan Bolomchón, beeta’an tia’al máasewal kaajo’ob, jejeláas yaan tumen beeta’ab u jejeláasil tia’al le kaajo’obo’.
U yáax paaxil Sak Tzevule’ j úuch tu k’iinil 10 ti’ agosto ti’ u ja’abil 1996 tu cha’anil San Lorenzo, Zinacantán. Yéetel ku ya’aliko’obe’, u k’áato’ob u beeto’ob jejeláas chíikulalo’ob tia’al u nats’iko’ob uláak’ máako’ob ti’ le miaatsila’, tumen beyo’ jujump’íitil ken u k’ajóolto’ob uláak’ ba’alo’ob je’el ba’ax suuk u beeta’al, le t’aano’, k’ajla’ayil, paax.
______________________________________________________
[b]Sak Tzevul, grupo de rock en tzotzil se presentará el sábado en un festival de Francia[/b]
El grupo de rock en tzotzil Sak Tzevul (relámpago) se presentará en el Festival Mercado de la Poesía, que se realiza en París, Francia, informó Damián Martínez, director y fundador de la agrupación.
Dijo que la presentación del grupo está programada para el 11 de junio, por lo que él, su hermano Enrique, Romeo Ramos y Cipactli Hernández partirán hacia Francia este jueves.
