De la redacción de 8AM
Oochel: Fabrizio León Diez
K'iintsil
U pik’il ju’unil [i]ABC[/i], ti’ España’e’, ku ch’a’achitik [i]Le Journal[/i] ti’ Montreal, tu’ux ku ya’alik le je’ela’: Juntúul táankelem xi’ipal ti’ Quebec, Canadá’e’ tu yilaj jump’éel túumben maaya kaaj, mix juntéen yáax ila’aki’. Leti’e’ ku tukultike’, úuchben maaya kaaje’ ku jets’ik tu’ux ku kajtal je’el bix yanik eeko’ob te’e ka’ano’.
William Gadoury ts’o’ok u yichta’al tumen u mola’ayil Nasa, u Agencial espacialil ti’ Canadá yéetel u Agenciail espcial ti’ Japón JAXA, beey j ts’a’ab k’ajóoltbil tumen Le Journal ti’ Montreal, beey túuno’ ma’ tu xáantal u ts’a’abal k’ajóotbil ti’ jump’éel pik’il ju’unil ti’ yits’atil.
Jo’olajun u ja’abil le xi’ipala’. Leti’e’ tu yilaj yaan 22 u p’éel u tsoolil eek’o’ob ti’ u yúuchben ts’íibil [i]Codex Maya[/i] ti’ Madrid, le ka j ts’o’oke’ tu ts’áaj yóok’ol jump’éel mapa ti’ Google Earth, ka tu yilaje’ le eeko’obo’ jach ti’ ku p’áatalo’ob yóok’ol 117 u p’éel maaya kaajo’ob, ts’o’okole’ le kaajo’ob jach k’a’anantako’obe’ ku p’áatalo’ob kaabal ti’ noj eeko’ob xan.
Ichil ba’ax ku jets’ik Williame’, ku ya’alik ti’ u tsoolil eek’ 23e’ yaan óoxp’éel eek’o’ob, ba’ale’ ma’ u béeykúuns u jets’ik máakalmáak eeko’obi’, tumen chéen ka’ap’éel yaan ka’achi. Ti’ ba’ax ku tukultike’, unaj yaan uláak’ jump’éel maaya kaaj, yéetele’ ku chukpajal 118 kaajo’ob; ku ya’alike’, le kaajo’ ti’ náach yaan yéetel ta’akan ti’ jump’éel k’áax ti’ u péetlu’umil Yucatán. Ma’ xan wa le kaaja’ jump’éel ti’ le jach nuuktako’obi’ yéetel tu ts’áaj u k’aaba’ beey «k’áak’ chi’»
