Ap
Boonil: Chazk Armada
K'iinstil
viernes 22 ti' abril, 2016
Jo', Yucatán
U yuumil u paaxil pop, Prince, jach k’ajóolta’ab tumen ma’alo’ob u beetik ba’ax u yojel, k’aay yéetel paax. Ichil le k’aayo’ob jach k’ajóolta’ab ti’e’, ti’ yaan [i]Little Red Corvette, Let’s Go Crazy[/i] yéetel [i]When Doves Cry[/i], ba’ale’ tu k’iinil jo’oljeake’ j kíim tu yotoch yaan Minneapolis. 57 u ja’abil.
Prince, tu káajsaj u juumsik u paax tu ts’ook u ja’abilo’ob 1970; le k’aay yáax jóok’o’obe’, tu k’abatajo’ob Why You Wanna Treat Me So Bad yéetel Wanna Be Your Lover, ba’ale’ jach k’ajóolta’ab lajun ja’abo’ob paachil yéetel u discoilo’ob [i]1999[/i] yéetel [i]Purple Rain.[/i]
Leti’e’, síij tu k’iinil 7 ti’ junio ti’ u ja’abil 1958, tu lu’umil Minneapolis. U jaajil u k’aaba’e’, Prince Rogers Nelson. Ma’ seten ka’anali’, ku p’isik 1.57 metro’ob, ba’ale’ u paaxile’, jach ki’ichaj u yu’ubal yo’olal bix u paxik guitarra. U paaxe’, yanchaj jump’íit u yóolil Jimi Hendrix, ts’o’okole’ u jejeláasil bix u jóok’sik u juumil u k’aaye’, ku beetik u yu’ubal k’aayo’ob mix juntéen yáax beeta’ano’obi’.
Tu ja’abil 2004, táakbesa’ab ti’ u kúuchil salón de la Fama ti’ Rock and Roll, tu’ux chíimpolta’ab beey juntúul máax péektsiltik paax. Tu kúuchile’ ts’íibta’an “tu patjo’oltaj u paaxil boox funk yéetel sak rock, ts’o’okole’ leti’e’ paaxil j ch’a’ab tia’al le paax jach u’uyab tu ja’abilo’ob 80”. Beyxan ku xo’okol “Prince, tu beetaj paax tajan ma’alo’ob tia’al óok’otbil, tu ts’áaj u yóol funky. Lik’ul u káajbale’, Prince tu beetaj u paaxil jach ko’ yéetel ku ye’esik u chíikulal ko’olel yéetel xiib kex tumen chéen leti’ ku chikpajal”.
Ma’ili’ k’uchuk u súutukil ti’e’, Prince, j máan k’aay yéetel láayli’ u táabsik k’aayo’ob. Tu ts’ook wakaxlajun winalo’obe’, tu jóok’saj kamp’éel almbuno’ob.
______________________________________
[b]Prince, desciende del trono[/b]
El superastro pop Prince, aclamado como uno de los músicos más creativos e influyentes de su era con éxitos como [i]Little Red Corvette, Kiss, Let’s Go Crazy y When Doves Cry,[/i] fue hallado muerto en su casa el jueves en un suburbio de Minneapolis. Tenía 57 años. En 2004, fue incorporado al salón de la Fama del Rock and Roll, que lo reconoció como un pionero musical y social. “Prince hizo música bailable buenísima y rock con un trasfondo electrizante y funky. Desde el comienzo él y su música fueron andróginos, astutos, sexys y provocadores”, dice la dedicación del Salón.
