Ma’ ojeláan wa u muuk’il u payalchi’ wa yóok’lal u líinfosiito’ob T, ba’ale’ xmoonja síij tu lu’umil Francia, Lucile Randon, máax yaan 116 u ja’abile’, tu píitjo’oltaj COVID-19.
Xmoonjae’, máax k’ajóolta’an beey hermana André, u ka’atúul máakil ti’ yóok’ol kaab ts’o’ok u yantal u ja’abil utschaj ti’ le k’oja’ana’, beey úuchik u ya’alal tumen Grupo de Investigación en Gerontología, tu’ux ku je’ets’el bix yanik máaxo’ob maanal 110 u ja’abilo’obi’.
También te puede interesar: ¿Fueron sus rezos? Monja de 116 años sobrevive al COVID-19
A’alabe’, tu ya’alajo’ob je’ets’ tsa’ay ti’ coronavirus ti’ xmoonjae’ óoli’ tu chúumukil enero, tu noj kaajil Tolón, tu xamanil Francia, ba’ale’ tu jo’oloj óoxp’éel p’iis k’iine’ ts’o’ok u yutstal, kex tumen láayli’ ti’ ku máan tu siiyáa de rueedase’, yéetel le jueves ku taala’ yaan u k’iimbesik 117 u ja’abil.
Xak'alutskíinsa'an tumen: Sasil Sánchez Chan
