de

del

Notimex
Oochel: Rodrigo Díaz Guzmán
K'iintsil

5 ti' abril, 2016

Ichil xaak’alilo’ob beeta’ano’obe’, j ila’ab u k’a’ananil óox; ma’ xaan wa ka táakbesa’ak ichil u meyajil la Cruzada Nacional contra el Hambre tumen nonoj u yantal u neek’, beey tu ya’alaj aj xak’al xook ti’ Consejo Nacional de Ciencia y Tecnología (Conacyt).

Yanchaj u beetchajal ukp’éel ja’abo’ob ti’ xaak’alilo’ob tu kúuchil el Centro de Investigación Científica de Yucatán (CICY), tu ya’alaj Alfonso Larqué Saavedra, máax táaka’an ich Consejo Consultivo de Ciencias de la Presidencia de la República.

“Yáaxe’ xak’alta’ab beyka’aj neek’ ku ts’áaik’ junkúul óox; j ila’ab xibil che’ wa x ch’upul che’, máakalmáak ti’ u jejeláasil ku yantal u yich yéetel ba’ax k’iinilo’ob ku yantal; beyo’, t ilaje’ k’a’anan u káajsal le meyajo’ yéetel k’áatchi’ob je’el bix le je’elo’”, tu ya’alaj.

“U ma’alo’obile’, ya’ab máak ti’ le lu’uma’ u k’ajóol óox yéetel ku k’a’abetkunsiko’ob. Beey uchik u tukulta’al ma’alo’ob ka káajsa’ak le xaak’alilo’; tumen ti’ le ba’ax ilabo’, chikpaje’ yaan ka’ jaats ti’ bix u meyajta’al ti’ jump’éel ja’ab”, tu tsolaj.

Ti’ junkúul óoxe’ k’a’abéet kex jo’o ja’ab tia’al ka káajak u yantal u yich, ba’ale’ le ken káajak xan u yantal u neek’e ku ts’áak ichil 95 yéetel 100 kilogramo’ob ti’ jump’éel ja’ab.
Ichil le ba’alo’ob xak’alta’abe’, j ila’abe’ ka’atéen u yantal u neek’ ichil jump’éel ja’ab, ba’ale’ le je’ela’ ma’ tsaaj wa táan u meyajta’ali’, tu juunal ku yantal u yich. “Beey túuno’, yéetel le xaak’alilo’ páatchaj u yila’ale’ le óoxo’ junkúul che’ ya’a u yantal u yich”.

Yéetel le óoxo’, ku tséenta’al wakax, kéej, kitam, taman, x kaax, t’u’ul yéetel uláak’ ba’alche’ob.

“T beetaj pellets, mejen o’och tia’al jaantbil, óol je’el bix cereal ti’ korn flakes tia’al u jaanta’al tumen ba’alche’ob, ts’o’okole’ t ilaj k ts’áak u k’aaba’: Maya Óox, tu ju’unil ts’a’aban le jejeláas ba’alo’ob yéetel ba’ax beeta’an”, tu tsikbaltaj Larqué Saavedra.

J ila’ab xan ti’ le xaak’alilo’, ya’ab carbohidrato’ob yaan ti’ le óoxo’ ba’ale’ xan yaan mineralo’ob je’el bix calcio, zinc, magnesio yéetel potasio, beyxan vitamina’on yéetel ácido fólico.

_________________________________________

[b]Árbol de ramón podría ser un aliado contra el hambre y el cambio climático[/b]

El árbol de ramón ([i]Brosimum alicastrum[/i]) podría ser un elemento clave en la estrategia de la Cruzada Nacional contra el Hambre debido a que permite mayor producción de semillas, aseguró un investigador del Consejo Nacional de Ciencia y Tecnología (Conacyt). A esta conclusión se llegó tras siete años de trabajo en el Centro de Investigación Científica de Yucatán (CICY), dijo el integrante del Consejo Consultivo de Ciencias de la Presidencia de la República, Alfonso Larqué Saavedra, en una entrevista con la agencia del Conacyt. “Lo primero que hicimos fue conocer cuántos kilos de semilla produce un árbol, qué sexo tienen los árboles, cuáles son los que producen y en qué meses del año lo hacen. Estas sencillas preguntas fueron las que nos mostraron que se debía hacer trabajo básico”, detalló.