Ts'íib yéetel oochel: Notimex
K'iintsil
4 ti' marzo, 2016
U múuch’paaxil ti’ heavy metal Iron Maiden tu jach ki’imak óolt u yóol 20 mil 600 u túul máaxo’ob t’u’ulpachtik, ti jump’éel cha’anil tu beetajo’ob tu kúuchil Palacio de los deportes, ti’ u noj lu’umil México; tu’ux tu ye’esajo’ob jayp’éel ba’alo’ob ti’ maaya miaatsil.
Tu k’ayajo’ob u túumben meyajo’ob je’el bix The book of souls; ts’o’ok u máan u xíimbalto’ob u noj lu’umil Monterrey, Nuevo León. Táanil u yokol k’aay Iron Maidene’, k’aaynaj u múuch’paaxil Anthrax.
Iron Maidene’ yaan u máan k’aay ti’ 35 u p’éel noj lu’umo’ob. Ichil le múuch’paaxilo’ ti’ yaan Bruce Dickinson (voz), Steve Harris (bajo), Dave Murray (guitarra), Adrian Smith (guitarra), Janick Gers (guitarra) yéetel Nicko McBrain (batería).
Ba’ale’ tu cha’anile’, le múuch’paaxila’, tu péeksaj jach k’a’am u paaxil rock yéetel jejeláas maaya chíikulalo’ob je’el bix u p’íich tuunil naj yaan ti’ Riviera Maya. Beyxan ti’ le nojoch máabenilo’ob cha’ane’, chikpaj u yoochel Chichén Itzá. Beyxan, j-t’a’ab kamp’éel k’áak’ tia’al u sáasilkunsa’al le yáax k’aay tu beetajo’ob, [i]If eternity should fail[/i], [i]Speed of light [/i]yéetel [i]Children of the dammed[/i].
