Sinabung, kululal wiitse yaan tu lu’umil Indonesiae’, suuka’an u jóok’sik ba’al; le martes máanika’ tu túubaj ya’abach ta’an yéetel buuts’ náak tak 5 mil metros u ka’analil, beey jts’a’ab k’ajóoltbil tumen u mola’ayil volcanología ku meyaj te’e noj lu’umo’.
También te puede interesar: Volcán activo indonesio emite enorme columna de ceniza y humo
Le beetik u jo’opóopilo’ob lu’um p’aatal ichil Sudeste Asiático yéetel Oceaníae’, ts’o’ok u jets’iko’ob u t’aanil sajbe’entsik tu bak’pachil jo’op’éel kilomeetro’ob.
Kululal wiitse’ ku p’isik 2 mil 460 tu ka’anilil, ts’o’okole’ ma’ ch’éenek u péek lik’ul u ja’abil 2013; tu ja’abil 2014e’ kíim 16 u túul máak úuchik u túubik ba’al, beyxan ti’al 2016e’ sa’at u kuxtal uktúul máak.
Xak'alutskíinsa'an tumen: Sasil Sánchez Chan
