Jayp’éel k’iino’ob paachile’, máax beetik u jefail Gobierno Ciudad de Méxicoe’, Claudia Sheinbaum, tu ya’alaje’ bak’pachta’ab u k’íiwikil le noj kaajo’, ti’al ma’ u k’askúunta’al ba’al tumen u múuch’ilo’ob ko’olel líik’sik u t’aan te’e k’iino’oba’ yéetel ti’al ma’ u loobilta’al mix máaki’. Kex beyo’, múuch’ilo’obe’ tu páayt’antajo’ob máak ti’al ka biinsa’ak nikte’ob tu’ux ts’íibta’ab u k’aaba’ ko’olel ts’o’ok u sa’atal u kuxtal yóok’lal loobilaj.
También te puede interesar: Colectivas pintan vallas de Palacio Nacional con nombres de víctimas
Xak'alutskíinsa'an tumen: Sasil Sánchez Chan
