Ka’alikil kajlajo’ob Nigere’, j-áarkiteekto’ob Jean-Philippe Vassal yéetel Anne Lacatone’, tu kanajo’ob bix u beetiko’ob xa’anil najo’ob suuk u beeta’al te’elo’, ts’o’okole’ tu ch’a’ajo’ob u tuukulil ti’al u beetiko’ob uláak’ najo’ob uts u lúubulo’ob ti’ kuxtal yaan yóok’ol kaab. Le ka’atúul máako’oba’, tu beetajo’ob tuareg xa’anil naj tu kaajil Niamey, tu’ux kuxlajo’ob ka’ap’éel ja’abi’. Te’e k’iino’oba’, k’u’ub ti’ob le noj chíimpolalo’, ku na’atal beey u Nóbelil Ichil máaxo’ob meyajtik áarkitektuura te’e yóok’ol kaaba’.
También te puede interesar: Dúo francés gana el Pritzker, el mayor premio de arquitectura mundial
Xak'alutskíinsa'an tumen: Sasil Sánchez Chan
