Yóok’lal u k’a’ananil yéetel beyka’aj ba’al je’el u k’éexel yéetel ba’ax kun jets’bile’, u kúuchil Primera Sala ti’ u mola’ayil Suprema Corte de Justicia de la Nación (SCJN) tu jets’aj u túuxtik aamparo 413/2020 ku t’aan yóok’lal kéet ts’o’okol beel, ts’a’aban tumen u múuch’kabil Colectivo por la Protección de Todas las Familias en Yucatán (Colectivo PTFY), tu táan u Plenoil SCJN ti’al u béeytal u tsikbala’ali’.
También te puede interesar: Envían al Pleno de la SCJN amparo sobre matrimonio igualitario en Yucatán
Le miércoles 17 ti’ marzo máana’, u miinistroilo’ob Primera Sala tu tsikbaltajo’ob jejeláas ba’al yaan u yil yéetel ampaaroo, ba’ale’ je’ets’ unaj u túuxta’al Pleno.
Kalycho Escoffié, máax beetik u juriidikail meyajil le múuch’kabilo’, tu tsolaje’ ti’ u mola’ayil Supremae’ yaan ka’ap’éel u saalail tu’ux ku yúuchul tsikbal, ba’ale’ yaan jayp’éel ba’ale’ te’e Pleno ku je’ets’elo’obo’. Ba’ale’, ku ya’alik, jéets’e u Plenoil le Supremao’ leit’ máax kéen u jets’ ba’al yaan u yil yéetel k’a’anan ba’ala’.
Le je’ela’ u k’áat u ya’ale’, u buluktúul ka’anal p’is óolal kun beetik, ma’ chéen jo’otúuli’ ti’ Primera Sala. Lela’ ku yúuchul tumen tukulta’abe’ u je’ets’el jump’éel ba’al jach k’a’anan je’el bix le je’ela’, unaj u beeta’al tumen tuláakal Suprema Corte.
Le 24 ti’ febrero máaniko’, u ka’anal p’is óolalalo’ob SCJNe’ tu náachkunsajo’ob u k’iinil ti’al u je’ets’el ba’ax kun úuchul yéetel le je’ela’, le beetik máansa’ab te’e 17 ti’ marzo máanika’.
SCJN yaan túun u jets’ik wa u Congresoil Yucatáne’ ma’ táan u beetik ba’ax unaj úuchak u tselik u páajtalil ti’al u yantal kéet ts’o’okol beel ich wíinik, yéetel wa ma’ unaj u éejenta’ali’. Le je’ela’ ku yúuchul xan tumen tu winalil abril ti’ u ja’abil 2019e’, ts’a’ab xan jump’éel amparoo tumen le múuch’kabila’.
Xak'alutskíinsa'an tumen: Sasil Sánchez Chan
