Agencias
Oochel Simon Stacpoole
K'iintsil
Viernes 22 ti' junio, 2018
U múuch’ báaxalil Argentinea’ 3-0 úuchik u lúubul tu táan Croacia, ti’ u ka’a keetil báaxal Grupo D jbeeta’ab ichil Mundial Rusia 2018.
Tu minutoil 53e’, jcroatail báaxal Ante Rebic, tu kanaj u ch’a’anúukt ba’ax ma’ patal beeta’abik tumen albiceleste portero, Willy Caballeroe’, máax ma’ tu kanaj u jab tu beel wóolis.
Kex ma’ ichil área yane’, tu minuto 80e’, Luka Modric chich kóocha’atnaje’ ka tu yoksaj uláak’ jump’éel gol, beey úuchik u p’áatal 2-0.
Tu minutoil 92e’, Rakitic tu ka’ankunsaj xookil, k’ucho’ob tak 3-0.
Walkila’ talam yanik Argentina, tumen keet p’áatik ti’ yáax báaxal tu beetaj tu táan Islandia, le beetik k’a’anan u kaxtik ka yanak uláak’ puntos ti’.
U p’áatal wa ma’ ti’e’ Mundialo’ ma’ tu k’ab yani’, k’a’anan u yáax máan uláak’ múuch’ báaxalilo’ob Grupo D.