Reuters
Oochel Reuters
K'iintsil
Viernes 15 ti' junio, 2018
Argentinoil Diego Maradona máax ku kóochak’ wóol ka’ache’ tu ya’alaj ma’ ki’imak u yóol úuchik u yéeya’al México, Estados Unidos yéetel Canadá ti’al u beeta’al Copa del Mundo tu ja’abil 2026, ts’o’okole’ tu ya’alaj ma’ bin u náajaltmajo’ob tumen te’e lu’umo’oba’ “ma’atáan u ts’áak u yóolo’ob” ti’ futbol.
Miércoles máaniko’ FIFAe’ tu jets’aj u nojoch báaxalil Mundial ti’ u ja’abil 2926 yaan u báaxta’al Norteamérica, tumen ti’al u je’ets’ele’ yanchaj maanal ti’ u ka’atéen u yéeyajil yóok’ol Marruecos, úuchak u beeta’al jump’éel u Congresoil FIFA.
Beey túuno’, Méxicoe’ leti’e’ yáax lu’um bíin u wu’ulabt óoxtéen Copa del Mundo, tumen ts’o’okili’ u yáax k’amik tu ja’abil 1970 yéetel 1986.
