Carlos Bonfil Santana, juntúul k’a’anan wíinik ti’al u pikil ju’unil La Jornadae’, káaj u táakpajal walkil kex 30 ja’abo’ob ikil u ts’íibtik jejeláas ba’alo’ob yóok’olal cha’ano’ob, wa cine, ba’ale’ jkíim le miércoles máanika’ tu noj kaajil Ciudad de México.
Bonfil Santanae’ tu ts’o’oksaj u xookil literatura francesa tu noj najil xook Universidad Sorbona, tu lu’umil París, beyxan u xookil k’ext’aan tu najil xook Paris Dauphine X., ts’o’okole’ tu ka’ansaj letras francesas tu noj najil xook Universidad Nacional Autónoma de México, yéetel ka’aj ts’o’oke’, káaj u meyajtik periodismo cultural tu pikil ju’unil La Jornada.
Tu meyajtaj 35 ja’abo’ob ts’íibo’ob yóok’olal crítica cinematográfica lalaj domingos, yáaxe’ tu jaatsil Cultural, yéetel tu ts’ooke’ tu jaatsil Espectáculo tu pikil ju’unil La Jornada, tu’ux xan tu múul meyajtaj u ediciónil suplementoil Tu ja’abil 2021e’ tu k’amaj Premio Guerrero de Oro al Mérito Periodístico, ku k’u’ubul tumen Red de Prensa Cinematográfica de México.
Letra S, salud, sexualidad y sida. U meyajil críticae’ tu ts’áaj u páajtalil u bin ti’ jejeláas cha’ano’ob jach k’a’anan ichil u meyajil cine ti’ tuláakal yóok’ol kaab, beyxan le ku beeta’al tu lu’umil México, je’el bix Festival Internacional de Cine de Guadalajara yéetel Festival Internacional de Cine de Morelia, jump’éel ti’ le cha’ano’ob tu patjo’oltaj, yéetel tu’ux xan tu beetaj u asesor programación, ichil uláak’ meyajo’ob.
Múul meyajnaj mantats’ ti’al International Film Guide, yéetel leti’ ts’íibt u áanalte’ilo’ob Águila o sol, las apariciones de Cantinflas yéetel El cartel cinematográfico en México, úuchik u múul meyaj yéetel Carlos Monsiváis, A través del espejo: el cine mexicano y su público.
Xak'alutskíinsa'an tumen: Sasil Sánchez Chan
