Europail noj lu’umo’obe’ yaan u túuntiko’ob jump’éel aplicación ti’al u ts’aatáanta’al u ja’abil máak

Jo’op’éel u noj lu’umilo’ob UE, tu’ux táaka’an Españai’, yaan u túuntiko’ob bix u meyaj jump’éel aplicación ti’al u beeta’al verificación de edad; jump’éel ba’al yaan u yáantaj ti’al ma’ u béeytal u yokol paalal yéetel táankelemo’ob ma’ u chuko’ob mayoría de edad ti’ ba’axo’ob ma’ no’oja’an u yilko’ob ts’a’aban ti’ Internet, beey k’a’ayta’ab le lunes máanika’ tumen Comisión Europea.

Comisióne’ tu ts’áaj k’ajóoltbil u prototipoil le aplicacióno’ ti’al beyo’ u kaláanta’al beyka’aj u ja’abil máak. Yaan u túunta’al bix u meyaj tu lu’umilo’ob Dinamarca, Francia, Grecia, Italia yéetel España.

U tuukulil meyaje’, leti’ ka’aj u beet cada lu’um aplicación u ti’al, ti’al u ts’áak ba’ax k’a’abéet ti’, tumen ojéela’an noj lu’umo’obe’ yaan jejeláas ba’axo’ob u jets’maj ti’al u kaláanta’al kaaj.

Je’el bix, tu lu’umil Franciae’, unaj yaan ti’ wíinik 15 u ja’abil wa maanal ti’, lela’ uláak’ ka’ap’éel ja’ab ti’ le 13 jets’a’an tumen le plataformaso’obo’.

Beyxan, jayp’éel u noj lu’umilo’ob Europae’ ts’o’ok u aalkunsik kuuch u ts’áamajo’ob yóok’ol UE ti’al u maas kaláanta’al paalal yéetel máaxo’ob ma’ u chuk u mayoríail edad kéen oojko’ob Internet.

Yaan noj lu’umo’on k’uch tak u k’áatik ka tse’elek redes sociales ti’al paalal ma’ u chuk 15 u ja’abil.

Comisóne’ tu ts’áaj k’ajóoltbil xan nu’uktajilo’ob ti’al plataformas digitales, tuemn beyo’, yaan u ts’aatáanta’al u kaláanta’al paalal yéetel máax ma’ mayor de edadi’.

Xak'alutskíinsa'an tumen: Sasil Sánchez Chan