Alena Kovackova yéetel Luis Guto Miguel, tu béeykunso’ob yáax kúuchil ich u noj keetil Copa Mundial Yucatán

Alena Kovackova, leti’e’ máax tukla’ab kun gáanar, ts’o’oke’ tu béeykunsaj, úuchik u p’itik xbrasilil Victoria Luiza Barros (4) ti’al  beyo’, u béeytal u p’áatal yéetel u noj k’aaba’il singles ku báaxta’al ich ko’olel tu keetil Copa Mundial Yucatán. Tu yáak’abil jo’oljeak domingoe’ j-úuch u ts’ook báaxal ti’ u 38il téenal le noj keetilo’, tu kúuchil Club Campestre. 

Ichil u ts’ook báaxal ich xiibo’obe’, jbrasilil Luis Guto Miguel (3), máax yaan 16 u ja’abile’, tu p’ataj paachil 6-1 j-estadosunidosil Keaton Hance (7), yéetel le túun béeychaj u ts’ook báaxal, ba’ale’ tu bejile’, jach yanchaj u ch’ich’il tuunichil yéetel tu píitjo’oltaj ka’aj talamchaj ti’. 

Alenae’, tu yilaj u lúubul u kiik Jana tu keetil semifinales j-úuch tu táan Barros. U noj lu’umil República Checae’ tu béeykunsaj u yóoxp’éel tiituloil ichil u keetil íindibiduaales, ichil le ts’ook jo’op’éel ja’abo’ob beetchajak le noj keetila’, ichil u keetil ko’olel. Kovackova, máax pe’ernaj tu jaatsil semifinaales tu ja’abilo’ob 2023 yéetel 2024, chich pe’echak’naj yéetel u paarsialesil 6-7 (1), 7-5 yéetel 6-2. Tu ts’ook seete’, tu sataj u noj xáak’abil 0-2 yanik ka’ach. 

K’a’anan xbáaxale’ juntúul ti’ le maas táan u bin u chíikpajal ti’ k’a’anan keetilo’ob je’el bix le je’ela’, tumen ts’o’ok u béeykunsik 14 u p’éel biktooryas ichil tuláakal u keetilo’ob singles tu’ux ts’o’ok u táakapajal.