Jtu’up u t’aan junmúuch’ ko’olel táan ka’ach u líik’sik u juum u t’aano’ob yóok’ol islamicoil piix

Máaxo’ob beetik u funcionarios tu kaajil Afganistane’ tu jatso’ob le martes máanika’, junmúuch’ máako’ob táan ka’ach u líik’sik u juum u t’aano’ob ti’al u k’áatiko’ob ka chíimpolta’ak u páajtalil ko’olel kaja’an tu kaajil Herat. Múuch’e’ tu líik’saj u juum u t’aano’obe’ úuchik u ma’achal k’albil ko’olel tumen olicía moral ka’aj taka’ab u poolo’ob tumen ma’ bin tu beeto’ob ba’ax jets’a’an ichil u normasil u búukinta’al nook’, beey a’alab tumen máaxo’ob kaja’an te’elo’. 

Ichil ba’ax a’alab tumen máaxo’ob j-il ba’ax úuche’, juntúul máak kíimij, yéetel ti’ uláak’o’obe’ úuch loob ti’ob; beyxan ya’abach máak, tak ko’olel yéetel xch’úupalo’obe’, biinsa’abo’ob k’albil.  

Sayed Masoud Hosseini, máax beetik u k’a’aytajilo’ob u policíail Herat, tu ya’alaj ti’ u kúuchil péektsilo’ob Bakhtare’, múuch’ máako’ob bin tu baantail Jebraile’ tu beetajo’ob u “tensar” ba’al yéetel “tu xwo’okinto’ob ba’al ich kaaj, tumen tu ya’alo’ob bine’ ma’ táan u chíimpoltiko’ob hiyab islámico”, tumen óoli’ beey “obligación religiosa” yanike’. 

Bakhtar tu ya’alaj ba’ax tu ya’alaj jeque Azizur Rahman Al-Muhajir, máax jo’olbesik Departamento de Herat para la Promoción de la Virtud y la Prevención del Vicio, máax tu ya’alaj le jejeláas ba’axo’ob ts’o’ok u ya’alal úuchik u ma’achal k’albil ko’olelo’ob tumen ma’ tu chíimpolto’ob ba’ax jets’a’an ti’al u búukinta’al u nook’il hiyabe’, ma’ bin jaaji’. Tu ya’alaj inspectoro’obe’ chéen tu beetaj u meyajo’ob úuchik u tsoliko’ob nu’uk ti’ob, yéetel tumen tu ya’alajo’ob bix unaj u chíimpolta’al hiyab islámico.