Le sábado máanika’, tu noj lu’umil Perú, tu tíitubáaj lu’um yéetel u muuk’il 5.1; yóok’olal le je’elo’ yanchaj waktúul kimen máak yéetel úuch loob ti’ uláak’ 32 wíinik, beey úuchik u ts’a’abal k’ajóoltbil le domingo máanika’ tumen u jo’olpóopilo’ob kaaj.
U mola’ayil Instituto Nacional de Defensa Civil (Indeci) u xokmaj ka’ach tak tu sáasbal domingoe’ chéen 5 máak kíimij yéetel 21 ucha’an loob ti’ob. Lu’ume’ péeknaj las 21H24 horas te’el kaajo’ (02H24 GMT) ts’o’oke’ 24 kilómetros u taamil; u chuune’ ti’ yanchaj tu kaajil Chongos Bajo, kex 300 km tu lak’inil u kaajil Lima, tu baantail Junín, beey tu ts’áaj k’ajóoltbil Instituto Geofísico de Perú (IGP). Tumen náach le tu’ux káaj u beeta’al yáax reportese’, ma’ béeychaj u séeb a’alal jaytúul máak kíimij.
“K’aschaj k t’aanaj úuchik u péek lu’um. Yaan ya’abach najo’ob ts’o’ok u níikil”, tu ya’alaj juntúul u kajnáalil Chongos Bajo ti’ u canalil televisión N. Máax jo’olbesik Indeci, general Luis Vásquez, tu tsolaj tumen ma’ jach taamchaj úuchik u péek lu’umi’ yéetel tumen yaan pak’ lu’um najo’obe’, ya’abach ba’alo’ob k’aschaj ti’ jejeláas kaajo’ob.
Indecie’ tu ya’alaj yanchaj kex 300 máako’ob yanchaj u kaxta’al tu’ux u yantalo’ob, yéetel kex 48 najo’ob k’aschaji.
Ja la’ach Jos é María Ba lcázar tu ya’a la j t i ’ rad io Nac iona le ’, u ja la’ach i l le no j lu ’umo ’ s é eba’an úuch ik u p é ek t i ’a l u “túuxt ik áanta j t i ’a l kaa j , yé ete l t i ’a l u yanta l múu l meya j yé ete l u jo ’o lpóop i lo ’ob kaa j , t i ’a l u s é eb ts ’aatáanta’a l ka jnáa lo ’ob yancha j u s é eb áanta’a lo ’ob”. “Kin jach yaj óoltik ba’ax úuch úuchik u péek lu’um.
In k’áat in wa’al kin yaj óoltik yéetel kin láak’intik u láak’tsil máaxo’ob kíimij, beyxan in láak’inaj ti’al máaxo’ob úuch loob ti’ob”, tu ya’alaj xjala’ach yéeya’an Keiko Fujimori ti’ redes sociales. Máax jo’olbesik IGP, Hernando Tavera, tu ya’alaj ti’ AFP, péeknaj lu’um úuchik u yajal “falla tectónica Altos del Mantaro”, naats’ yaan ti’ u noj kaajil Chupaca, Junín.
Xak'alutskíinsa'an tumen: Sasil Sánchez Chan
