Maaya ko’olele’, lik’a’an ichil xma’ keetil kuxtal yéetel péech’ óolalil, le beetik jaytúul ti’ leti’obe’, tu much’ajo’ob tu ja’abil 2017 ti’ Red Péepeno’ob, tu’ux tu beetajo’ob Cartilla de los Derechos de las Mujeres Indígenas Mayas, ts’íibil meyaj tu’ux táakbesa’an 22 u p’éel artikulo’ob ti’al u ts’a’abal ojéeltbil bix le kuxtalil yaanti’obo’, ikil u k’a’abéetkunsiko’ob páajtalil yaan ti’al u jets’iko’ob je’el ba’axak yaan ba’al u yil yéetel sexualidad, beyxan jaytúul u paalal u k’áat ka yanak, u yantal k’áax ts’a’aban tu k’aaba’ yéetel ma’ u k’a’abéetkunsa’alo’ob chéen ti’al u k’u’ubul áantaj tu k’aaba’ob, tumen unaj u yantal xan u muuk’ u t’aano’ob tu súutukil u je’ets’el wa ba’ax.
“Yaan mokt’aano’ob, a’almaj t’aano’ob, ba’ale’ tu súutukil u yantal u beeta’al wa ba’axe’, óoli’ beey mina’anobe’”, beey tu ya’alaj x-áaktibista yéetel kóonsejera ti’ Comisión Estatal de los Derechos Humanos, Sheena Merle Ucan Yeh, máax táakpaj xan tu súutukil táan u beeta’al le ts’íibil meyajo’, tumen ti’ xan táaka’an ichil u múuch’kabil Péepeno’ob.
U meyajil Cartilla de los Derechos de las Mujeres Indígenas Mayas, ti’ j-e’esa’ab tu kúuchil Facebook U yoolche A.C., tu’ux Ucan Yehe’ tu tsikbaltaj beeta’ab bin páayt’aan tumen Red Péepeno’ob ichil múul meyaj ku beetik yéetel Instituto de Liderazgo Simone de Beauvoir, ti’al beyo’ u líik’sa’al le meyaj ku táakmuk’tik u páajtalil ko’olel.
Este mes la secretaría realizará una reunión para establecer estrategias en escuelas
Jairo Magaña
Se detectó la afectación en más de 669 m2 de vegetación protegida por la Semarnat
La Jornada Maya
El semestre del sector industrial está marcado por la reducción de personal y de ingresos
Jairo Magaña
El objetivo es fortalecer actividades como aluminería, carpintería, repostería, estética y barbería
La Jornada Maya
