de

del

Foto: Ayuntamiento de Benito Juárez

Úuchik u k’a’ayta’al u káajal u ts’a’abal u báakunail máax ts’o’ok 18 u ja’abil, ti’ wakp’éel u méek’tankaajilo’ob Baja Californiae’, u jala’achil u lu’umil México, Andrés Manuel López Obrador, tu ya’alaje’ ti’al u ts’ook p’sik’iinil junioe’ leti’ kéen káajak u ts’a’abal u báakuna máax yaan u ja’abil ichil 30 tak 39, tu lu’umil Quintana Roo; le je’ela’ ts’o’okili’ u yáax k’a’ayta’al tumen jala’ach Carlos Joaquín González.


También te puede interesar: Para fines de junio, vacunación a mayores de 30 años en QRoo

 

Tu k’a’aytajil tsikbal suuk u beetik ja’atskab k’iine’, jala’ache’ tu tsikbaltaj le jueves máanika’, ts’oka’an u ts’a’abal u yáax jaatsil ts’aak ti’ máax yaan u ja’abil ichil 40 tak 49 u ja’abil, tu lu’umil Quintana Roo, beyxan Baja California Sur, ts’o’okole’ ta’aytak xan u ts’o’oksa’al u ts’a’abal ti’ máax yaan u ja’abil ichil 50 tak 59. 

“Ts’oka’an u ts’a’abal u yáax jatsil, ti’ máax yaan u ja’abil ichil 40 tak 49, tu lu’umil Baja California Sur yéetel Quintana Roo. Ti’ u k’a’ap’éelil le péetlu’umilo’oba’, máax maanal 40 u ja’abile’, ts’oka’an u ts’a’abal báakuna ti’ob u yáax jaatsili’. Te’e p’is k’iinila’ túuxta’ab u ka’a jaatsil ti’al máax yaan u ja’abil ichil 50 tak 59. U ts’ook p’iisk’iinil junioe’ yaan u káajal u ts’a’abal u báakunail máax yaan u ja’abil 30 tak 39, tu lu’umil Baja California Sur, beyxan Quintana Roo”, beey tu ya’alaj López Obrador.

Tu kúuchil Twittere’, máax beetik u subsecretarioil Prevención y Promoción de la Salud, Hugo López-Gatell Ramírez, tu k’a’aytaj u k’ujsa’al 506 mil u p’éel u báakunail Pfizer tu lu’umil México, ts’o’okole’ yéetele’ ku náakal 44 miyoonesil 505 mil báakunas ts’o’ok u yantal tu lu’umil México tak walkila’; le k’ujsa’abo’obo’ Quintana Roo kun ts’áabili’.  

Beyxan a’alabe’ yaan u yáax ts’a’abal tu méek’tankaajilo’ob Benito Juárez yéetel Solidaridad. 

Le p’isk’iinil máaniko’, u jala’achil le lu’umo’, Carlos Joaquín, tu k’a’aytaje’ yaan u ts’a’abal 314 mil báakuna ti’ máax yaan u ja’bil ichil 30 tak 39. Ts’o’okole’ láayli’ unaj u yila’al ba’ax kun beetbil yéetel báakuna unaj u ts’a’abal ti’ máaxo’ob ku meyaj ti’al u k’a’amal aj xíinximbal máako’ob, ba’ale’ ti’al le je’elo’ ma’ je’ts’a’ak u k’iinili’. 


Xak'alutskíinsa'an tumen: Sasil Sánchez Chan