Ichil u jejeláasil kuxtal ku yantal tu petenil Yucatáne’, ti’ yaan u ki’ichkelemil koj k’ajóolta’an beey concolor; juntúul ba’alche’ sajbe’entsil yanik u kuxtal walkila’ ikil táan u k’askúunta’al u yotoch ti’al u beeta’al najo’ob, u ya’abile’ táan u beeta’al Quintana Roo.
J béeterinaryóo Mario Buil, máax jo’olbesik Comité de Protección y Conservación del Jaguar, ichil u mola’ayil Procuraduría Federal de Protección al Ambiente (Profepa), tu ya’alaj kooje’, yóok’lal beyka’aj u nojochile’, leti’ u ka’atúulil nojoch ba’alche’ yaan ichil u nojoch áamerikaano koontinentée.
También te puede interesar: Puma, felino amenazado por el desarrollo inmobiliario
Leti’e’ tu ya’alaje’, kéen chan xuulchajak koje’, ke’el u k’uchul u p’is ichil 2 yéetel 2.4 meetros u chowakil, yéetel je’el u aaltal tak 140 kg, le beetike’ séeba’an u péek. Suuk u jaantik kéej yéetel kaja’an ich k’áax. Ch’eel u tso’otsel, ba’ale’ yaan xan samal box wa samal chak, tu kama’ach, tu me’ex yéetel tu kaale’ yaan u sakil; u xikine’ wóolistak yéetel u neje’, chowak.
Xak'alutskíinsa'an tumen: Sasil Sánchez Chan
