U nu’ukbesajil u ts’a’abal uláak’ jump’éel u jaatsil báakuna ti’ nojoch máako’obe’ ts’o’ok 60 u ja’abile’ káaj tu k’iinil jo’oljeak tu péetlu’umilo’ob Chiapas, Ciudad de México, Oaxaca, Jalisco, Sinaloa yéetel Yucatán, beey úuchik u ts’a’abal k’ajóotbil tumen máax beetik subsecretarioil Salud, Hugo López Gatell. Tu ja’atskab k’iinil jo’oljeak, tu kaajil Zapopane’, jala’ach Andrés Manuel López Obradore’ ka’alikil tu beetaj u tse’ek je’el bix suuk u beetik sáansamale’, tu pitaj u nook’il u ke’elil ti’al u ts’a’abal ti’ u ts’aakil AstraZeneca.
También te puede interesar: Inicia México refuerzo anti Covid-19 a adultos mayores
Xak'alutskíinsa'an tumen: Sasil Sánchez Chan
