de

del

Jo’oljeak k’iimbesa’ab 125 úuchik u síijkl j ts’íib Carlos Pellicer Cámara

Ayer se cumplieron 125 años del natalicio de Carlos Pellicer Cámara
Foto: Facebook @INAHmx

Ts'íibolal


In k’áaxil, ba’ax u beelal ta ts’áajten

In k’abo’ob chuup yéetel boonil.

Tuláakal ba’ax kin machike’

Ku jóopbal yéetel k’iin.

Ichil u bin u chíinil k’iin táanxel lu’umile’

Yaan in máan yéetel in sáask’ale’en chéelil néen.

Ts’áaten u páajtalil kex chen junsúutuk

In xulik in beetik in awatil yéetel in boonil.

Ts’áaten u páajtalil kex chen junsúutuk

In k’exik u yooxol in puksi’ik’al,

In wuk’ik u samal éek’joch’e’enil jump’éel xtokoy ba’al

In kmukul chintal yóok’ol jump’éel náanach kisneb,

In taamtal ich sayul mejen u wuuts’lilo’ob

In k’i’itpajal tu jáal jump’éel masak’ k’ujil,

In ki’iki’ báaytik táats’ ts’o’otsel pool 

Yéetel in ts’íibtik yéetel bek’ech ch'ilib ts’íib ba’ax kin tukultik.

¡Oh, in xulik kex chen junsúutuk

In áantaj ti’ Yu k’iin ich k’áax!

¡In k’áaxil, ba’ax u beelal ka’ ta ts’áajten 

In k’ab chuup yéetel boonlil!


Traducción: Feliciano Sánchez Chan

 

También te puede interesar: Pellicer, ''un hombre grande'', dice López Obrador en homenaje al poeta