de

del

U 10 por siientoil t’aan ku k’a’amal tumen Línea Mujere’ ku beeta’al úuchik u péets’k’abta’al ''botón de pánico''

Desde que inició la pandemia, el IMM recibe entre 100 y 180 llamadas al mes: Fabiola García
Foto: Captura de pantalla

Kex u 10 por siientoil t’aan ku k’a’amal Línea Mujer, meyajta’an tumen Instituto Municipal de la Mujer, ku beeta’al tumen péets’k’abta’ab “botón de pánico”, beey j ts’a’ab k’ajóoltbil tumen Fabiola Josefina García Magaña, máax jo’olbesik le mola’ayo’. 

Lela’ u k’áat u ya’ale’, le ko’olelo’obo’ ku x chukul máansik talamilo’ob, tumen ku loobilta’alob wa sajbe’entsil u kuxtalo’ob.

Úuchik u káajal pak’be’en k’oja’nae’, mola’aye’ ku k’amik ichil 100 yéetel 180 u p’éel t’aano’ob, ti’ teleefonóo, ichil jump’éel winal, ba’ale’ yaan k’iine’ ku náakal tak 200 u p’éelal. 

 

También te puede interesar: Desde que inició la pandemia, el IMM recibe entre 100 y 180 llamadas al mes: Fabiola García

 

Tumen yanchaj u k’alikubáaj máak ka’aj yanchaj u pak’be’en k’oja’anil Covid-19e’, Línea Mujere’ ts’o’ok u jach meyaj ti’al u yáantik ko’olel ku máansik talamil, wa máax ti’ k’a’abéet áantaj yóok’lal ba’ax ku naak’ tu puksi’ik’al, beyxan áantaj yéetel a’almajt’aan, ichil uláak’ ba’alo’ob, tu tsikbaltaj x meyajil.

Beyxan, tu ya’alaje’ ts’o’ok u yáantiko’ob ko’olel u yóotmaj u luk’s u kuxtalo’ob ikil u seen loobilta’alo’ob, wa tumen seen yanchaj talamilo’ob ti’ob yóok’lal taak’in. 

Ko’olele’ ku páajtal u t’aan ti’ séelular, wa u yéensa’al, x ma’ boolil, u appil. Te’elo’ ku jets’iko’ob ka’atúul máax u k’áato’ob ka t’a’anak kéen léekeko’ob, wa leti’e’ “botón de pánico”, tumen yéetel le je’elo’ ku túuxta’al tu séebile’, u nu’ukil ti’al u yila’al jach tu’ux yano’ob, tu ya’alaj Fabiola Magaña.

U t’aan ko’olel tu’ux ku páajtal u no’oja’an áanta’ale’, asab ma’alob tumen ku jach “páanal” ti’al u yila’al tu’ux yaan le talamilo’. Yaan k’iine’ ma’ chéen ku k’áatiko’ob áantaj ti’al u túuxta’al aj kanan kaajo’obi’, yaan k’iine’, ku k’áatiko’ob áantaj tumen leka’ano’ob wa yaan ba’ax ku jach naak’ ti’obi’.

Línea Mujer
(999)923.09.73
8004557672

Xak'alutskíinsa'an tumen: Sasil Sánchez Chan