de

del

Le 19 yéetel 20 ti’ febrero ku taala’, yaan u beeta’al, tu méek’tankaajil Bacalare’, u cha’anil Femme Carnala, tu’ux yaan u beeta’al tsikbalo’ob, kaambalo’ob yéetel jejeláas miatsil meyajo’ob, tu’ux ko’olele’ yaan u béeytal u ye’esik u meyajil its’at ku beetik, u tsikbal yéetel u kaambal.

Le sábado 19 ku taala’, tu kúuchil Casa Internacional del Escritor, yaan u beeta’al jump’éel e’esajil tu’ux yaan u táakpajal Sonnye Lizzio, Diana Semilla, Alice Re Cecconi yéetel Laura Anileu. Beyxan yana u ts’a’abal u nu’ukulil ti’al u beeta’al íimpresion, ti’al máax kéen u yóot u biins u nook’il ti’al u ts’a’abal oocheli’, beyxan yaan u ts’a’abal u ye’esajil bioconstrucción beeta’an tumen Valeria Ferrara.

Kaambalo’ob te’e k’iino’, láayli’ te’e kúuchil kun beetbile’, ichil láas 10 ja’atskab k’iin tak la 1; kéen káajak u chíinil k’iine’ láas 4 kéen káajak yéetel las 7 kéen ts’o’okok. Jayp’éel ti’ le kaambalo’obo’ yaan u ka’ansal tumen Silvina Mennucci (Múul k’aay), Marlen Torres (El arte de tomarTE), Karla Figueroa (Taller dinofósil), Proyecto Kukulcán (Teatro ritual para mujeres) yéetel Petra Sánchez (Taller de micromacramé).

 

También te puede interesar: Invitan al festival Femme Carnala en Bacalar

 

Tu kúuchil u beeta’al balts’am, tu fuerteil Bacalare’, yaan u beeta’al its’at meyajo’ob; yaan u káajal láas 18:15 yéetel yaan u ts’o’okol láas 9:30 áak’ab, yaan u táakpajal Helen Otaegui (Espacio Público), Vabessa Conde (Talla cero) yéetel Melody (Melbeat). Tu kúuchil Galeón Pirata yaan u ye’esa’al u meyaj Julieta Fort Villa, Terroristas del Sabor yéetel DJ Adri Martínez, tu súutukil láas 9:30 áak’ab, tak láas 12:45 chúumuk áak’ab.

Ti’al domingo 20 ti’ febreroe’ láayli’ yaan u beeta’al, láas 10 ja’atskab k’iin, tu kúuchil Casa Internacional del Escritor, kaambalo’ob je’el bix “Sanando a través del canto”, beeta’an tumen Cristina Chi González; Erika Argaeze’ yaan u beetik “Psicomagia como herramienta anarquista de repropiación de nuestra fuerza interna” yéetel Cinthya Molina yaan u meyajtik “Respiración ovárica y alquimia femenina”.

U tsoolil tuláakal ba’ax kun beetbile’ ku páajtal u xo’okol tu Facebookil @femmecarnala, beyxan ku páajtal u túuxta’al ts’íib ti’ máaxo’ob beetik: [email protected].

Xak'alutskíinsa'an tumen: Sasil Sánchez Chan