de

del

Foto: Rodrigo Díaz Guzmán

Xoknáalo’ob, aj péeksil máako’ob yéetel múuch’kabilo’obe’ tu k’áatajo’ob ti’ Preparatoria Uno ku meyaj ku yáam Universidad Autónoma de Yucatáne’ (Uady) ka u k’áat ka sa’atbesa’ak u si’ipil, tu táan kaaje’, úuchik u ye’esik u p’eekil ti’ juntúul máak te’e najil xooko’, tu k’iinil úuchik u máan Día del Amor y la Amistad. 

Beyxan, tu k’áatajo’obe’ ka ts’a’abal kaambal xook, ti’ máaxo’ob ku meyaj te’e najil xooko’, yóok’lal ba’alo’ob yaan ba’al u yil diversidad sexogenérica, táakbesajil u páajtalil wíinik, je’el bix xan ti’al u ts’aatáanta’al ka yanak ba’ax jets’ik ka yanak kúuchilo’ob tu’ux ka utsil yanak máak, tu’ux ma’ u jela’an tukulta’al ba’al yóok’lal máak, mix xan u ts’a’abal u kuuchi’.

Ba’ax ku k’áata’ale’, k’uba’ab ti’ máaxo’ob ku meyaj te’e najil xooko’ ti’al u ka éejenta’ak.

 

También te puede interesar: Exigen disculpa pública de la UADY por homofobia y transfobia en Prepa Uno

 

Beey túubo’, le miércoles 16 ti’ febreroa’, u xoknáalilo’ob Preparatoria Uno yéetel u jeel máako’obe’, tu much’ajubájao’ob, aktáan le najil xooko’, ti’al u líik’sik u t’aano’ob tumen ma’ ki’imak u yóolobi’.

 

Ba’ax úuchij

Yóok’lal u k’iinil Día del Amor y la Amistad, te’e najil xooko’, beeta’ab jayp’éel ba’alob ti’al náaysaj óol, ichil le je’elobo’, u béeytal “u ts’o’okol u beel” máak ti’ Registro Civil, ba’ale’ aj meyajo’ob ti’ le najil xooko’ tu ya’alajo’obe’ “ma’ patal” ba’ax ku beetiko’obi’, tumen ka’atúul xi’ipalal le ts’o’ok u beelo’obi’. Beyxan tu ts’áajo’ob u si’ipil xi’ipalalo’ob táan ka’ach u bonik u yicho’obi’.

“Uady homofóbica, Uady transfóbica”, “la Uady será diversa o no será”, chéen jayp’éel ti’ le ts’íibo’ob chíikbesa’ab tumen xoknáalo’ob tu súutukil úuchik u líik’sik u t’aano’ob. Le beetike’, ichil ba’ax k’áata’abe’, ti’ yaan: u beeta’al u nu’ukil ba’ax k’a’abéet u beeta’al kéen ila’ak ba’al beya’, beyxan bix unaj u láak’inta’al trans xoknáalo’ob; u k’e’exel yéetel u túumbenkunsa’al ba’ax jeetsa’an ichil protocolo de Violencia de Género, ti’al u béeyta’al u takpolta’al kéen úuchuk homo, lesbo wa bi transfobia, beyxan u ts’a’abal u tsoolt’aanilo’ob yóok’lal sexual jejeláasil óol.

Xak'alutskíinsa'an tumen: Sasil Sánchez Chan