U nu’ukbesajil Pedalea con tu Policía, káaj le 6 ti’ marzo máaniko’, tu noj kaajil Kaanpech; meyaje’ táan u beeta’al ti’al u kaxta’al ka yanak u péeksik máak u wíinkilal yéetel ti’al u yantal u súutukil u múul yantal baatsilo’ob tu bejil ts’a’aban, yéetel ku káajal tu’ux yaan u plaasail Galerías, k’ucha’an tak u paarkeil Moch Couoh, ts’o’okole’ tu chowakil beje’ ku páajtal u yila’al yaan u ajkanan kaajilo’ob Policía Estatal Preventiva (PEP) táan xan u máano’ob yéetel t’íinchak balak’ ook, je’el bix kajnáalo’ob ku máano’ob te’elo’.
Marcela Muñoz Martínez, máax jo’olbesik Secretaría de Protección y Seguridad Ciudadana (SPSC) ku k’a’abéetkunsik nu’ukbesaj ti’al u béeytal u tsikbal yéetel kajnáalo’ob ku máano’ob te’elo’.
Meyaje’ ku beeta’al lalaj domingos. Bej jeets’el u ti’ale’ ku káajal glorieta A la Mujer Campechana yéetel k’ucha’an tak monumento Justo Sierra Méndez. U súutukile’ 7 tak 11 ja’atskab k’iin. Te’elo’ ku páajtal u máan máak yéetel u biikla, triisiklóo, patiines, páatinetas, yéetel tak siiyáa de rueedas, tumen ku páajtal u bin je’el máaxake’.
También te puede interesar: Pedalea con tu Policía, programa que busca la activación física en Campeche
Buul k’iin ts’a’aban u meyajnáalilo’ob Dirección de Vialidad ti’al u kaláanta’al kaaj; táakbesa’an Policía Estatal ku meyajo’ob tu yáam Secretaría de Protección y Seguridad Ciudadana.
Beey túuno’, Secretaría de Salud ku majáantik t’íinchak balak’ ook ti’al máaxo’ob mina’an u ti’ali’.
Nu’ukbesaje’ káaj tu winalil marzo, yéetel tak walkila’ u meyajnáalilo’ob mola’aye’ ku táakpajalo’ob mantats’ ti’al u ye’esiko’ob ba’ax k’a’anan u beeta’al, tumen beyo’, ku páayt’antiko’ob máak ti’al u náats’alo’ob yéetel ti’al ka táakpajako’ob te’e meyaja’, tumen xma’ bo’olil.
Te’e xano’ ku beeta’al u yóok’otil suumbáa, ti’al máax ma’ u yojel u nat’ biikláa, wa máax ma’ uts tu yichi’.
Xak'alutskíinsa'an tumen: Sasil Sánchez Chan
