de

del

Jun jaats u éejidatarioilo’ob Chablekale’ ma’ táan u éejentajo’ob bo’ol óotab beetbil tumen INAHi’

Ejidatarios de Chablekal se oponen a proceso expropiatorio de Dzibilchaltún
Foto: INAH

U mola’ayil Instituto Nacional de Antropología e Historia (INAH) k’uch tak tu kaajil Chablekal ti’al u ts’aatáanta’al mokt’aan beeta’ab ichil éejido yéetel Noj lu’um, ti’al u ti’alinta’al tumen u ts’ooka’, u k’áaxil u yúuchben kaajil Dzibilchaltún. Kex INAH k’uch yéetel u taak’inile’, ma’ béeychaj u yúuchul le bo’olo’ tumen yanchaj junjaats máako’ob ma’ tu éejentajo’ob ka yanak u k’u’ubul ti’ob le k’áaxo’.


Ti’ jump’éel k’a’aytajil ts’íibe’, mola’aye’ tu ya’alaje’ yaan u manik k’áax ku bak’pachtik 53 ektaareas, ti’al u béeytal u kaláanta’al yéetel u ts’aatáanta’al úuchben kaaj táan u tukulta’al u séeb je’ebel tuka’atéen.

 

También te puede interesar: Ejidatarios de Chablekal se oponen a proceso expropiatorio de Dzibilchaltún
 

Diego Prieto Hernández, máax jo’olbesik INAHe’, tu ts’áaj k’ajóoltbile’, o mola’ayil jala’ache’ tu yóotaj u p’atik tu beel ju’un jets’ik máax ti’alintik le u k’áaxil le úuchben k’áaxo’, ti’al u páajtal u ch’a’ajolta’al xaak’al ku beeta’al ka’achij; ba’ale’ tu sáasilkuunsaje’ éejidoe’ unaj u yáax p’atik tu beel talamilo’ob yaan ichilo’ob, ti’al u yutsil u kaajil Chablekal.


Beey túuno’, José Arturo Chab, máax jo’olbesik INAH tu péetlu’umil Yucatán, tu k’áataj ti’ u múuch’il éejidatariose’ ka béeyak u yantal tsikbal ichilo’ob ti’al u páajtal u ts’aatáanta’al u jela’an tuukul yaan ichilo’ob, je’el bix xan ti’al u chíimpolta’al u páajtalil tuláakal máaxo’ob táakpaja’ano’obi’.


“INAHe’ u k’áat ka séeb ch’a’abak u ts’ook t’aanil tumen éejidatarioso’ob, ti’al u béeytal u bo’ota’al le 53 ektaareasil k’áax tu’ux yaan le úuchben kaajo’”, ku páajtla u xo’okol te’e ts’íib jts’a’ab k’ajóoltbilo’.

 Xak'alutskíinsa'an tumen: Sasil Sánchez Chan