Tu jo’oloj ka’ap’éel ja’ab káajak u kaxta’ale’, u petenil Cozumele’ k’aaba’inta’ab Ciudad de las Aves en Latinoamérica; le je’ela’ ku yáantaj ti’al u mu’uk’anchajal meyaj ku beeta’al ti’al u xíimbalta’al le kaajo’. U múuch’kabil Fundación de Parques y Museos de Cozumel (FPMC) meyajnaj xan ti’al u béeytal le chíimpolala’; leti’e’ viernes ku taala’ kéen k’u’ubuk u ju’unil, ka’alikil táan 14 Festival de las Aves Isla Cozumel beeta’an tumen Environment for the Americas, American Bird Conservancy y U.S. Fish and Wildlife Service, múuch’kabiloob kaláantik ch’íich’o’ob ti’al u beeta’al xaak’alo’ob yóok’lal. Te’e oochela’ juntúul boox kaal ts’unu’un.
En español: Cozumel, la primera Ciudad de las Aves de Latinoamérica
Xak'alutskíinsa'an tumen: Sasil Sánchez Chan
