Xoloitzcuintleo’obe’ juntúul ba’alche’ k’ajóolta’an tu lu’umil México tumen u ch’i’ibale’ ti’ yaan ichil u puksi’ik’al azteca yéetel maaya miatsil. Ku tukulta’ale’ le peek’o’oba’ ku láak’intiko’ob máak tak Xibalbáaj.
Antonio Rodríguez Solís, juntúul jkíiropraktikóo ts’akyaj jach kaambanaka’an yóok’al ba’alche’obe’ tu tsolaj le peek’a’ jach ku yaabiltik máak. Ts’o’okole’ ka’ach bine’ suukchaj u k’u’ubul ti’al u ets’kúunsbil yéetel ku jaanta’al tumen kili’ich ti’al le miatsilo’.
Jkanan ba’alche’, ts’o’okole’ u yojel u yaabilt uláak’ peek’o’ob yéetel tak miiso’ob, ba’ale’ Rodríguez Solíse’ tu yaj óoltaj ya’abach juntéenake’ kéen ila’ak mina’an u tso’otsele’ ku tukulta’al yaan ko’oyil ti’ob yéetel ku sajaktal máak ti’ob.
En español: Xoloitzcuintles, acompañantes en el camino hacia el inframundo
Peek’ je’el bix le je’ela’, yaan tu lu’umil Perú, Suramérica yéetel Centroamérica, kex tymen yaanal bix u k’aaba’, ba’ale’ u jaajile’ ma’ jach jeets’el tu’ux yáax síiji.
Tumen ma’ ya’ab ti’ le peek’o’ob yaan walkila’, jach táaj ko’oj u ko’onol, ba’ale’ leti’e’ tu páayt’antaj kaaj ti’al u chíimpoltik le ba’alche’a’, tumen ma’ sajbe’entsili’ yéetel ma’ talam u yaalak’ta’ali’.
Xak'alutskíinsa'an tumen: Sasil Sánchez Chan
