To’on mexikoilo’one’ u paalilo’ob ixi’im; le beetike’ úuch suuka’ak to’on k-ets’kúunsik táamali’; le ku pak’achta’al yéetel juuch’o’, tumen beey káaj u beeta’al ka’aj k’uch le sak wíiniko’obo’, úuchik u taasa’al katolikóo tuukul tu’ux ku k’iimbesaa’al u paalil yuum k’uj tu k’iinil 6 ti’ enero. Kéen xota’ak u rooskail reeyes te’e k’iino’, ts’ota’an le mejen muñeekosil, yéetel le ku chíikbesa’al Cristo táant u síijil te’e waajo’, le beetik túune’ ti’ le máax kun jóok’ole’ yaan u yantal u ts’áak u ki’il janalil ti’al 2 ti’ febrero; jump’éel ba’al suuka’an u beeta’al ichil tukáakal u lu’umil México ja’ab man ja’ab.
En español: Campeche: Aumentan hasta en 60 por ciento las ventas de tamales en el Día de la Candelaria
Xak'alutskíinsa'an tumen: Sasil Sánchez Chan
