Kúuchil kóonjelaarta’ane’, ti’ yaan mil 300 kilometróoos náachil ti’ Círculo Polar Ártico, tu’ux yaan jump’éel kúuchil tu’ux je’el u béeytal u líik’sa’al u jejeláas i’inajo’ob ku yantal yóok’ol kaab ti’al beyo’ u ts’aatáanta’al ka yanak janabe’enba’al ti’al u paachil k’iin.
U k’aaba’ nu’ukule’: Bóveda Global de Semillas de Svalbard. Jump’éel nu’ukul tu’ux líik’sa’an kex jump’éel miyoon 215 mil u yi’inajilo’ob ixi’im, áarros, triigóo, lechugáa, paapáa, ichil uláak’o’ob. Ts’a’abano’ob tu’ux ma’ sajbe’entsil u k’astalo’obi’. Kúuchile’, yanchaj úuchik u k’astal uláak’ jéemoplaasmaob úuchik u wíits’il ti’ob ba’ateltáambal, loobilaj, tumen jp’áat mina’an taak’in wa yanchaj ba’ax k’aschaj ti’ u sistemaailo’ob.
En español: Conoce la bóveda que resguarda semillas de todo el mundo en Noruega
Ba’ax kóonjelaarta’an yéetel tuunicho’obe’ ku p’atik síis le tu’ux yaan le i’inajo’obo’ tak -18 gradóos; le je’elo’, leti’e’ k’a’abéet u yantalo’ ti’al ma’ u k’asta’al ba’ax tu’ux mina’an sáasil.
Alab óol le kúuchila’ tumen ku kaláanta’an u jejeláasil i’inajo’ob yaan yóok’ol kaab, ti’al beyo’, u yantal ba’al xan ti’al u tséentikubáaj máaxo’ob táan u líik’ilo’ob walkila’.
Xak'alutskíinsa'an tumen: Sasil Sánchez Chan
