Le miércoles 26 ti’ abril ku taala’, yaan u je’ebel u joolnajil jump’éel u ye’esajil: Monet. Luces del Impresionismo, tu kúuchil Museo Nacional de Arte de México (MUNAL), tu noj kaajil Ciudad de México.
Meyajo’ob beeta’ab tumen Claude Monet, jatsa’an ichil u jatsk’iinil impresionismoe’, yaan u béeytal u cha’antal martes tak domingo, láas 10 ja’atskab k’iin tak láas 6 u taal u chíinil k’iin. Tukulta’al u ts’o’okol tak tu k’iinil 27 ti’ agosto ti’ le ja’abil 2023a’.
En español: El arte de Monet arribará al MUNAL en CDMX
Ma’ yáax juntéen kun e’esbil u boonilo’ob Monet tu kúuchil MUNAl, ts’o’okili’ u yáax beeta’al ichil u ja’abilo’ob 2012 yéetel 2013. Chéen ba’axe’ ti’al le kun beetbil te’e k’iino’oba’, ma’ k’a’aytak máakalmáako’ob kun ts’áabili’.
Monete’ juntúul jboon kuxlaj ichil u ja’abilo’ob 1840 yéetel 1926, yéetel chíikpaj ba’ax tu meyajtaj tumen suukchaj u boonik jats’uts’ k’áaxo’ob, yéetel burgueesa kajnáalo’ob, tu’ux tu kanaj u ts’áak u jats’uts boonilo’ob ti’al u sáasiltal wa u óol satik u yoochel ba’ax ku ye’esik.
Xak'alutskíinsa'an tumen: Sasil Sánchez Chan
