Jach ts’aka’an úuchik u kaxta’al jump’éel seeltáa tijeeráa yéetel uláak’ nu’ukulo’ob yaan kex 2 mil 300 ja’abo’ob u yúuchbenilo’ob. Le ba’alo’oba’ ti’ j-ila’abo’ob tu lu’umil Múnich (Alemania) úuchik u beeta’al páan meyajo’ob te’e baantao’.
Nu’ukule’ ti’ ts’a’aban ka’ach tu’ux úuch jump’éel muuk, ba’ale’ jach tu beel ts’aka’anil, tumen yaan ba’alo’ob táan tak u léembal ti’. Ts’o’okole’, kaxta’ab xan jump’éel espaadáa, u xiixel jump’éel paan, wa eskuudóo, yéetel u puuntail jump’éel xul, je’el bix xan ba’al ti’al u yúuchul xoot, yéetel baak.
En español: Hallan en Alemania una espada y tijeras de 2 mil 300 años en tumbas celtas: Fotos
Ajxaak’alo’obe’ tu ya’alo’obe’, tijeeraso’obe’ míin k’a’abéetkunsa’ab ti’al u k’o’osol u tso’otsel u pool máak, wa nook’, je’el bix xan ti’al u ts’íila’al tamano’ob.
Espaadae’ chokokíinsa’ab, je’el bix suukchaj u beeta’al, ts’o’okole’ wuts’a’ab, le beetik ma’ meyajnaji’. Nu’ukule’ muka’ab yéetel le aanimaso’ ti’al u biinsik tak te’el tu’ux kun bin te’e túumben kuxtalo’.
Xak'alutskíinsa'an tumen: Sasil Sánchez Chan
